Framsýn stendur fyrir launakönnun

Deild verslunar- og skrifstofufólks innan Framsýnar hefur ákveðið að standa fyrir launakönnun meðal félagsmanna eftir áramótin. Lagðar verða nokkrar spurningar fyrir félagsmenn er varða þeirra launakjör, vinnuumhverfi og starfsemi Framsýnar.  Nánar verður fjallað um könnunina í bréfi sem félagsmenn innan deildarinnar fá í hendur í vetur. Það er von stjórnar að menn verði duglegir að svara könnuninni.

Viðræður framundan um kjör starfsmanna við hvalaskoðun

Stjórn Framsýnar mun fjalla um nýlegt erindi  hvalaskoðunarfyrirtækjanna, Norðursiglingar og  Hvalaferða á fundi sínum á morgun en þau hafa ákveðið að fela Samtökum atvinnulífsins að sjá um samningamál fyrir fyrirtækin.  Framsýn hefur lengi talið ástæðu til að gerður yrði sérkjarasamningur um kjör, tryggingar og réttindi starfsmanna sem starfa við þessa vaxandi atvinnugrein á Húsavík. Ekki síst þar sem hún kemur bæði inn á sjómennsku og eins ferðaþjónustu. Read more „Viðræður framundan um kjör starfsmanna við hvalaskoðun“

Afmæli fagnað!

Heiðurskonan Jóhanna Björnsdóttir átti nýlega stórafmæli en þá varð hún ? ára. Þar sem Jóhanna er svo ungleg getur ekki verið að hún hafi náð þeim aldrei sem hún fagnar um þessar mundir og því er aldurinn ekki tekinn fram í þessari frétt. Í tilefni af afmælinu var boðið upp á afmælistertu í dag. Read more „Afmæli fagnað!“

Langvarandi ótíð skapar leiðindi

Þrátt fyrir að Þingeyingar láti fátt fara í taugarnar á sér eru flestir orðnir mjög þreyttir  á þeirri ótíð sem verið hefur hér norðanlands nánast frá 10. september. Þá hefur snjómokstur kostað mikla peninga fyrir sveitarfélögin á svæðinu sem væntanlega kemur niður á öðrum framkvæmdum. Veðurstofa Heimasíðu stéttarfélaganna spáir því, eftir að hafa skoðað hvernig músaholurnar á svæðinu snúa,  að veðrið taki verulegum breytingum til batnaðar þegar í næstu viku. Read more „Langvarandi ótíð skapar leiðindi“

Samstaða eða samstöðuleysi

Það er ánægjulegt til þess að vita að fjögur stéttarfélög hafa orðið við tilmælum Framsýnar um að styrkja Verkalýðsfélag Akraness varðandi málarekstur félagsins vegna hugsanlegs ólögmætis verðtryggingar. Auk þess hafa einstaklingar og fyrirtæki lagt fram framlög vegna málarekstursins. Samkvæmt heimildum heimasíðunnar hafa safnast um milljón króna en talið er að málreksturinn kosti vel á þriðju milljón. Read more „Samstaða eða samstöðuleysi“

Heimasíðan mikið skoðuð

Eins og fjallað hefur verið um hér á þessari ágætu síðu er Heimasíða stéttarfélaganna í Þingeyjarsýslum virkasta síða aðildarfélaga innan ASÍ samkvæmt úttekt Starfsgreinasambands Íslands. Greinilegt er að sífellt fleiri lesendur fara inn á síðuna. Samkvæmt vefmælingum fóru tæplega 2000 manns inn á síðuna í síðustu viku. Þar af voru 45,49% einstaklingar sem ekki höfðu skoðað síðuna  áður. Read more „Heimasíðan mikið skoðuð“

Setið yfir áhættumati

Sigurgeir Stefánsson  svæðisstjóri Vinnueftirlitsins á Norðurlandi kom við á Skrifstofu stéttarfélaganna fyrir helgina. Markmiðið var að ræða við starfsmenn og fara yfir forsendur og markmið áhættumats sem ber að gera á vinnustöðum. Skrifstofa stéttarfélaganna stefnir að því að klára áhættumarið á næstu vikum með það að það taki gildi í upphafi næsta árs. Read more „Setið yfir áhættumati“

Mikil ásókn í Þorrasalina

Íbúðir stéttarfélaganna í Þorrasölum eru afar vinsælar og nánast í útleigu alla daga. Almenn ánægja er með íbúðirnar meðal félagsmanna. Framkvæmdum er nú að mestu lokið við fjölbýlishúsið, það er við sameignina og bílakjallarann. Þá hafa iðnaðarmenn unnið að því síðustu daga að laga nokkur atriði sem forsvarsmenn Framsýnar og Þingiðnar vildu að yrðu löguð nú þegar verktakinn er að skila af sér verkinu. Read more „Mikil ásókn í Þorrasalina“

Samstöðu og styrktartónleikar fyrir bændur í Hofi

Fjöldi listamanna kemur fram á tónleikum í Hofi á sunnudag Samstöðu og styrktartónleikar fyrir þá bændur sem verst urðu úti í nýliðnum hamförum. Miðasala í fullum gangi á menningarhus.is Fjöldi listamanna mun koma fram á sérstökum samstöðu og styrktartónleikum í menningarhúsinu Hofi á Akureyri, sunnudaginn 18. nóvember næstkomandi, kl. 16.00.

Read more „Samstöðu og styrktartónleikar fyrir bændur í Hofi“

Hvað gengur miðstjórn ASÍ til?

Stéttarfélagið Framsýn hefur lengi gengið eftir því að fá fundargerðir miðstjórnar Alþýðusambands Íslands afhendar enda miðstjórnin eitt æðsta valdið í verkalýðshreyfingunni. Því miður er lýðræðið ekki meira en svo innan Alþýðusambandsins að ekki er talin ástæða til að upplýsa aðildarfélög sambandsins um umræðuna innan miðstjórnar á hverjum tíma. Read more „Hvað gengur miðstjórn ASÍ til?“

Nemendur frá FSH í heimsókn

Góðir gestir úr Framhaldsskóla Húsavíkur komu í heimsókn fyrir helgina til að kynna sér starfsemi Framsýnar og fræðast jafnframt um atvinnulífið á Húsavík. Formaður Framsýnar gerði þeim grein fyrir þessum þáttum og kom víða við í máli sínu. Unglingarnir voru áhugsamir um starfsemi Framsýnar og spurðu auk þess mikið út í réttindi þeirra á vinnumarkaði. Read more „Nemendur frá FSH í heimsókn“

Verkalýðsfélag Grindavíkur svarar áskorun

Stjórn Verkalýðsfélags Grindavíkur samþykkti á fundi í gær að verða við áskorun Framsýnar- stéttarfélags um að leggja fram kr. 120.000,- til stuðnings málsókn Verkalýðsfélags Akraness sem samþykkti nýlega að láta á það reyna fyrir dómsstólum hvort verðtrygging hér á landi standist lög. Ljóst er að málsóknin mun kosta nokkrar milljónir. Read more „Verkalýðsfélag Grindavíkur svarar áskorun“