Félagsfundur um nýgerðan kjarasamning

Framsýn stéttarfélag boðar til kynningarfundar um nýgerðan kjarasamning SGS og SA í fundarsal félagsins fimmtudaginn 14. mars kl. 17:00. Túlkað verður á ensku og pólsku. Kjarasamningurinn nær til starfsmanna á almenna vinnumarkaðinum sem starfa eftir kjarasamningi Framsýnar. Ekki til starfsmanna í verslun- og þjónustu, ríkisstarfsmanna eða starfsmanna sveitarfélaga. Nánari upplýsingar um innihald kjarasamningsins og framlag stjórnvalda til samningsins er hægt að nálgast hér:  https://www.sgs.is/kjaramal/kjarasamningar/kjarasamningur-sgs-og-sa-2024-2028/ Atkvæðagreiðsla um samninginn verður rafræn og hefst kl. 12:00 miðvikudaginn 13. mars og lýkur kl. 09:00 miðvikudaginn 20. mars. Hægt verður að kjósa um samninginn í gegnum heimasíðu félagsins, framsyn.is. Afar mikilvægt er að félagsmenn sem starfa eftir kjarasamningnum kjósi um samninginn. Frekari upplýsingar eru í boði á Skrifstofu stéttarfélaganna, þar er einnig hægt að kæra sig á kjörskrá telji félagsmenn sig hafa kosningarétt. Kjörskráin miðast við þá sem greiða til Framsýnar í desember2023/janúar 2024.

SA and SGS new collective agreement – key points in English

Polski

Framsýn stéttarfélag

Trúnaðarmannanámskeið í gangi

Nú stendur yfir tveggja daga trúnaðarmannanámskeið á vegum stéttarfélaganna í Þingeyjarsýslum. Námskeiðið er vel sótt en 22 trúnaðarmenn sitja á námskeiðið, allt frá Víkurskarði til Þórshafnar á Langanesi. Á námskeiðinu hefur verið farið sérstaklega yfir almenna vinnuvernd, hlutverk Vinnueftirlitsins, öryggistrúnaðarmanna og sjálfseflingu. Stéttarfélögin leggja mikið upp úr fræðslu til handa trúnaðarmönnum og eru því haldin námskeið á hverju ári. Sjá myndir frá námskeiðinu:

Formanni tekið fagnandi

Formaður Framsýnar kom heim eftir langa og stranga samningatörn í Karphúsinu laust fyrir hádegi í dag. Hann heilsaði upp á hóp trúnaðarmanna sem eru á námsskeiði hér á Skrifstofu stéttarfélaganna við komu sína í hús og var tekið fagnandi með lófaklappi, enda staðið í ströngu á undanförnum vikum við samningagerð.

Aðalsteinn Jóhannes Halldórsson Fréttir

Stöðugleika- og velferðarsamningur í höfn

Breiðfylkingin, sem samanstendur m.a. af Starfsgreinasambandinu sem Framsýn á aðild að hefur undirritað nýjan kjarasamning við Samtök atvinnulífsins vegna starfa á hinum almenna vinnumarkaði. Samningurinn var undirritaður í húsakynnum ríkissáttasemjara á sjötta tímanum í dag. Um er að ræða langtímasamning en gildistími samningsins er frá 1. febrúar 2024 til 31. janúar 2028.

Meginmarkmið samnings 

  • Lækkun verðbólgu og vaxta með samstilltu átaki verkalýðshreyfingar, ríkis, atvinnurekenda, sveitarfélaga og annarra​.
  • Endurreisn tilfærslukerfa heimila vinnandi fólks​.
  • Kaupmáttaraukning verði á samningstímanum.

Launahækkanir 

Hækkanir eru á formi blandaðrar leiðar krónutölu og prósentu. Launahækkanir koma til áhrifa á fjórum dagsetningum með árs millibili á samningstíma.

1. febrúar 20243,25% eða að lágmarki 23.750 kr.
1. janúar 20253,5% eða að lágmarki 23.750 kr.
1. janúar 20263,5% eða að lágmarki 23.750 kr.
1. janúar 20273,5% eða að lágmarki 23.750 kr.


Krónutöluhækkun á samningstíma er 95.000 kr. sem jafngildir 24% hækkunar lægstu launa. 

Aðrir kjaratengdir liðir taka almennum hækkunum í kjarasamningi. 

Ár​OrlofsuppbótDesemberuppbót
2024​58.000​ kr.106.000​ kr.
2025​60.000​ kr.110.000​ kr.
2026​62.000​ kr.114.000​ kr.
2027​64.000​ kr.118.000​ kr.

Forsenduákvæði 

Samningurinn stendur og fellur með því að markmið um lækkun verðbólgu náist, sem aftur eru forsenda vaxtalækkunar. Til að styrkja forsendur og markmið kjarasamninganna mun sérstök launa- og forsendunefnd taka þegar til starfa. Verkefni nefndarinnar er að fylgjast með framvindu þeirra þátta í efnahagslífinu sem áhrif geta haft á markmið samningsins, leggja formlegt mat á forsendur kjarasamningsins og eftir atvikum semja um viðbrögð við forsendubresti sem treysta forsendur samningsins og stuðla að því að hann haldi gildi sínu. 

Einnig eru í samningnum tvö forsenduákvæði sem koma snúa að annars vegar að vörn gegn launaskriði og hins vegar tryggingu launafólks á hlutdeild í framleiðniaukningu.

Framlag stjórnvalda

Framlag stjórnvalda er mikilvægur hluti af ávinningi kjarasamningsins. Ríkisstjórnin hefur kynnt aðgerðaáætlun sem felur í sér fjárframlög til ýmissa mála sem gagnast vinnandi fólki. Er þar um að ræða aukningu ríkisútgjalda um 20 milljarða á ári. Helstu atriðin í framlagi stjórnvalda eru: 

  • Húsnæðisstuðningur
    • Sérstakur vaxtastuðningur vegna hás vaxtakostnaðar
    • Húsnæðisbætur – Grunnfjárhæð hækkar. Sérstök viðbót miðast að því að styðja betur við fjölmennari fjölskyldur
  • Barnafjölskyldur
    • Barnabætur, markmiðið er að fjölga viðtakendum barnabóta og að skerðingarmörkin verði hækkuð í átt að miðtekjum 
    • Fæðingarorlof – Hámarksupphæð hækkar úr 600.000 kr. í 900.000 kr. á tímabilinu 
    • Gjaldfrjálsar skólamáltíðir
  • Önnur atriði 
    • Gjaldskrár hins opinbera – Ríkið skuldbindur sig til að hækka ekki umfram 2,5% á árinu 2025. Tilmæli til sveitarfélaga um að endurskoða áður útgefnar hækkanir og halda þeim innan 3,5% vegna barnafjölskyldna.

Nú tekur við kynning og atkvæðagreiðsla um samninginn meðal félagsmanna. Niðurstaða afgreiðslu samningsins á að liggja fyrir ekki síðar en miðvikudaginn 20. mars næstkomandi. 

Góðar líkur á að skrifað verði undir í dag

Ágætar líkur eru á að skrifað verði undir nýjan kjarasamning síðar í dag eftir langar og strangar samningaviðræður sem hafa síður en svo verið lausar við átök. Formaður Framsýnar fór fyrir vinnu Starfsgreinasambandsins er varða starfsskilyrði fólks í vinnu við ferðaþjónustu. Þrátt fyrir að alvaran sé allt um líkjandi í viðræðum sem þessum er þó hægt að slá á létta strengi annað slagið. Hér má sjá formann Framsýnar, Aðalstein Á. Baldursson og Bjarnheiði Hallsdóttur, formann samtaka ferðaþjónustunnar „takast á“ um niðurstöðu verðandi samninga.

Aðalsteinn Jóhannes Halldórsson Fréttir

Sjálfkjörið í stjórn, ráð og nefndir á vegum Framsýnar

Ekki bárust tillögur frá félagsmönnum um fulltrúa í stjórnir, ráð og nefndir á vegum Framsýnar stéttarfélags fyrir kjörtímabilið 2024 til 2026. Fresturinn til þess rann út 29. febrúar sl. Listi trúnaðarráðs skoðast því samþykktur en hann var auglýstur samkvæmt lögum félagsins 24. janúar 2024. Það gleðilega er að töluverð endurnýjunin á sér stað í stjórn, varastjórn og trúnaðarráði eða um 40 prósent. Stilla þarf upp í rúmlega 80 stöður innan félagsins. Heimasíðan óskar öllu þessu frábæra fólki til hamingju með kjörið. Frá og með næsta aðalfundi sem haldinn verður væntanlega 3. maí verða eftirtaldir í trúnaðarstörfum fyrir félagið:

Fulltrúar í stjórnum, ráðum og nefndum á vegum Framsýnar kjörtímabilið 2024-2026

Aðalstjórn:                                                                                       Vinnustaður:

Aðalsteinn Árni Baldursson         Formaður                           Skrifstofa stéttarfélaganna
Ósk Helgadóttir                                Varaformaður                   Þingeyjarsveit – Stórutjarnaskóli
Sigurveig Arnardóttir                     Ritari                                 Heilbrigðisstofnun Norðurlands
Jakob G. Hjaltalín                             Gjaldkeri                              ÚA – Laugum
Elva Héðinsdóttir                             Meðstjórnandi                 PwC Húsavík
Kristján M. Önundarson                Meðstjórnandi                Vegagerðin
Torfi Aðalsteinsson                         Meðstjórnandi                 Jarðboranir hf.

Varastjórn:
Guðný I. Grímsdóttir                                                                     ÚA – Laugum
Agnes Einarsdóttir                                                                          Vogafjós
María Jónsdóttir                                                                             Fatahreinsun Húsavíkur sf.                        

Stefán Stefánsson                                                                          Landsvirkjun
Gunnþórunn Þórgrímsdóttir                                                      Norðurþing – Leikskólinn Grænuvellir
Börkur Kjartansson                                                                       Brim hf.

Trúnaðarráð:

Arnar Guðmundsson                                                                    Sjóvá

Sólveig Mikaelsdóttir                                                                    Norðurþing – Stjórnsýsluhús

Guðlaug Anna Ívarsdóttir                                                            Norðurþing – Öxarfjarðarskóli

Sigfús Hilmir Jónsson                                                                    Rifós hf.

Sigrún Hildur Tryggvadóttir                                                        PCC BakkiSilicon hf.
Þráinn Þráinsson                                                                            Víkurraf ehf.

Sunna Torfadóttir                                                                           Norðurþing – Leikskólinn Grænuvellir
Fanný S Cloé Goupil Thiercelin                                                   Penninn/Eymundsson

Þórdís Jónsdóttir                                                                            Þingeyjarsveit – Þingeyjarskóli

Rúnar Þór Jóhannsson                                                                 Jón Ingi Hinriksson ehf.
Ölver Þráinsson                                                                               Norðlenska ehf

Birta G. Amlin Sigmarsdóttir                                                      HSN                                                                          

Jónas Sævarsson                                                                            SAH bretti  ehf.
Ingimar Knútsson                                                                           PCC BakkiSilicon hf.

Guðrún St. Steingrímsdóttir                                                       Penninn/Eymundsson            

Stjórn fræðslusjóðs:

Börkur Kjartansson

Gunnþórunn Þórgrímsdóttir

Stefán Stefánsson

Varamenn:                        

Kristján M. Önundarson

Elva Héðinsdóttir

Stjórn sjúkrasjóðs:               

Aðalsteinn Á. Baldursson

Arnar Guðmundsson

Ingibjörg Benediktsdóttir

Varamenn:                        

Ósk Helgadóttir

Sólveig Mikaelsdóttir

Jónína Hermannsdóttir

Stjórn orlofssjóðs:                

Ósk Helgadóttir

Kristján Ingi Jónsson

Agnieszka Anna Szczodrowska 

Varamenn:

Þórunn Anna Magnúsdóttir

Sunna Torfadóttir

Stjórn vinnudeilusjóðs:        

Elísabet Gunnarsdóttir

Jakob Gunnar Hjaltalín

Gunnhildur Gunnsteinsdóttir

Varamenn:                        

Ásgerður Heba Aðalsteinsdóttir

Elísa Dagmar Andrésdóttir

Laganefnd:                

Aðalsteinn J. Halldórsson

Torfi Aðalsteinsson

Sigurveig Arnardóttir

Varamenn:                        

Ingimar Knútsson

Hjördís Sverrisdóttir

Kjörstjórn:                 

Sólveig Mikaelsdóttir

Jónas Sævarsson

Varamenn:                        

Elísabet Gunnarsdóttir

Ingimar Knútsson

Skoðunarmenn reikninga:

Sigrún Marinósdóttir

Pétur H. Pétursson

Varamaður:                      

Kristbjörg Vala Kristjánsdóttir

Siðanefnd:

Ari Páll Pálsson, formaður

Þóra Kristín Jónasdóttir

Ingunn Guðbjörnsdóttir

Varamenn:

Friðrika Illugadóttir

Eydís Kristjánsdóttir

Fulltrúar í 1. maí nefnd stéttarfélaganna:

Sigurveig Arnardóttir

Aðalsteinn Árni Baldursson

Varamenn:                        

Guðný Ingibjörg Grímsdóttir

Þráinn Þráinsson

Deild verslunar- og skrifstofufólks:

Aðalsteinn J. Halldórsson formaður

Elva Héðinsdóttir varaformaður

Karl Hreiðarsson ritari

Anna Brynjarsdóttir meðstjórnandi

Kristbjörg Vala Kristjánsdóttir meðstjórnandi

Sjómannadeild Framsýnar:

Jakob Gunnar Hjaltalín formaður

Börkur Kjartansson varaformaður

Gunnar Sævarsson ritari

Sigdór Jósefsson meðstjórnandi

Héðinn Jónasson meðstjórnandi

Stjórn Framsýnar-ung:

Sunna Torfadóttir formaður

Önundur Kristjánsson ritari

Birta G. Amlin Sigmarsdóttir meðstjórnandi

Arnór Elí Víðisson meðstjórnandi

Samþykkt að hefja undirbúning að aðgerðum

Samninganefnd Framsýnar kom saman til fundar í dag. Þar ríkti einhugur um að hefja undirbúning að aðgerðum takist deiluaðilum, Starfsgreinasambandi Íslands og Samtökum atvinnulífsins ekki að ná fram nýjum kjarasamningum í næstu viku. Bókunin er eftirfarandi:

„Samninganefnd Framsýnar samþykkir að hefja undirbúning að aðgerðum takist ekki að ganga frá nýjum kjarasamningi fyrir starfsfólk á almenna vinnumarkaðinum á næstu dögum. Það á við um félagsmenn Framsýnar sem starfa eftir kjarasamningi Starfsgreinasambands Íslands og Samtaka atvinnulífsins. Aðgerðirnar beinist í fyrstu að starfsfólki sem starfar við ræstingar og þrif á félagssvæðinu. Formanni og varaformanni Framsýnar verði falið að fylgja málinu eftir fh. saminganefndar félagsins.“

Sjálfkjörið í stjórnir, ráð og nefndir á vegum Þingiðnar 2024-2026

Ekki bárust tillögur frá félagsmönnum um fulltrúa í stjórnir, ráð og nefndir á vegum Þingiðnar, félags iðnaðarmanna fyrir kjörtímabilið 2024 til 2026. Fresturinn til þess rann út 15. febrúar sl. Listi Kjörnefndar félagsins skoðast því samþykktur en hann var auglýstur samkvæmt lögum félagsins í janúar 2024. Reiknað er með að aðalfundurinn verði haldinn í lok apríl.

Aðalstjórn:

Jónas Kristjánsson                          Formaður                           Bílaleiga Húsavíkur ehf.

Jónas Hallgrímsson                         Varaformaður                  Trésmiðjan Rein ehf.

Hólmgeir Rúnar Hreinsson          Ritari                                     Trésmiðjan Rein ehf.

Þórður Aðalsteinsson                    Gjaldkeri                             Trésmiðjan Rein ehf.

Hermann Sigurðsson                     Meðstjórnandi                 Eimskip hf.

Varastjórn:                                        Vinnustaður:    

Gunnólfur Sveinsson                     Bílaleiga Húsavíkur ehf.

Máni Bjarnason                                Norðurvík ehf.

Daníel Jónsson                                 Curio ehf.

Hörður Ingi Helenuson                 Fagmál ehf.

Trúnaðarmannaráð:

Sigurjón Sigurðsson                        Norðurvík ehf

Kristján G. Þorsteinsson                Bílaleiga Húsavíkur ehf.

Andri Rúnarsson                              Fjallasýn ehf.

Kristinn Jóhann Lund                     Trésmiðjan Rein ehf.

Rafnar Berg Agnarsson                 PCC Bakki

Sigurður Karlsson                            Eimskip hf.

Varatrúnaðarmannaráð:

Sveinbjörn Árni Lund                     Curio ehf.

Kristján Gíslason                              Norðlenska ehf.

Sigurður Sigurjónsson                   Bifreiðaskoðun Íslands ehf.

Bjarni Gunnarsson                          Fjallasýn ehf.

Skoðunarmenn ársreikninga:                                    Kjörstjórn:

Kristján Gíslason                                                             Máni Bjarnason

Arnþór Haukur Birgisson                                              Jónmundur Aðalsteinsson

Varamaður:                                                                      Varamenn:

Stefán Jónasson                                                              Andri Rúnarsson

Tístran Blær Karlsson

Kjörnefnd:                                                                        Fulltrúi félagsins 1. maí nefnd stéttarfélaganna:

Davíð Þórólfsson                                                            Jónas Kristjánsson

Gunnólfur Sveinsson

Kristján Gíslason

Stjórn Sjúkrasjóðs:                                                        Stjórn Fræðslusjóðs:

Jónas Kristjánsson                                                          Jónas Kristjánsson

Hermann Sigurðsson                                                     Aðalsteinn Árni Baldursson

Hólmgeir Rúnar Hreinsson                                          Jónína Hermannsdóttir

Varamenn:                                                                        Varamenn:

Jónas Hallgrímsson                                                         Hólmgeir Rúnar Hreinsson

Þórður Aðalsteinsson                                                   Hermann Sigurðsson

Stefán Jónasson

Stjórn Orlofssjóðs:                                                        Stjórn Vinnudeilusjóðs:                                              

Jónas Kristjánsson                                                          Jónas Kristjánsson                         

Jónas Hallgrímsson                                                         Jónas Hallgrímsson

Hólmgeir Rúnar Hreinsson                                          Hólmgeir Rúnar Hreinsson

Þórður Aðalsteinsson                                                   Þórður Aðalsteinsson

Hermann Sigurðsson                                                     Hermann Sigurðsson                    

Norðurþing tekur tillit til athugasemda vegna gjaldskrárhækkana

Töluvert hefur verið um að fjölskyldufólk með börn á framfæri hafi verið í sambandi við Skrifstofu stéttarfélaganna vegna gjaldskrárbreytinga hjá Norðurþingi um síðustu áramót. Í allt of mörgum tilfellum hafa hækkanirnar komið sér afar illa við fólk enda um að ræða verulegar hækkanir í ákveðnum tilfellum. Eftir samtöl við stjórnendur sveitarfélagsins og skoðun þeirra á kvörtunum viðkomandi íbúa hefur Fjölskylduráð Norðurþings ákveðið að endurskoða afsláttarkjörin á milli leikskóla og Frístundar sem ber að fagna enda afar erfitt fyrir marga að taka á sig verulegar hækkanir, jafnvel sem nema tugum prósenta.

Eftirfarandi var bókað í Fjölskylduráði, samkvæmt ákvörðun ráðsins er málið komið í leiðréttingafarveg:

Tillaga að endurskoðun á afsláttarkjörum á milli leikskóla og Frístundar. Málsnúmer 202402093

Fjölskylduráð hefur til umfjöllunar tillögu Jónasar Þórs Viðarssonar, fyrir hönd V lista, og Ísaks Más Aðalsteinssonar, fyrir hönd S lista, um að tenging afsláttakjara á milli leikskóla og frístundar fyrir 1.-4. bekk verði endurskoðuð, þ.e. að systkinaafsláttur fyrir systkini í leikskóla og Frístund verði settur á eins og áður var.

Helena Eydís Ingólfsdóttir, fyrir hönd D lista, Bylgja Steingrímsdóttir og Hanna Jóna Stefánsdóttir fyrir hönd B lista leggja fram eftirfarandi breytingartillögu um að tenging afsláttarkjara á milli leikskóla og frístundar fyrir 1.-4. bekk verði aftur komið á, afsláttarkjör verði 30% fyrir barn nr. 2 og 70% fyrir barn nr. 3. Ákvörðunin verði afturvirk til síðustu áramóta.

Jafnframt leggja undirritaðar til að tekjuviðmið verði endurskoðuð að nokkrum mánuðum liðnum þannig að þau endurspegli á sem bestan hátt tekjur íbúa sveitarfélagsins.

Breytingartillagan er samþykkt samhljóða.

Fræðslufulltrúa er falið að uppfæra gjaldskrár og starfsreglur leikskóla og frístundar til samræmis og leggja fyrir ráðið.

Samninganefnd Framsýnar boðuð saman til fundar

Ákveðið hefur verið að kalla Samninganefnd Framsýnar saman til skyndifundar á morgun, föstudag, kl. 17:00. Í nefndinni eru rúmlega þrjátíu félagsmenn frá vinnustöðum á félagssvæðinu. Tilgangur fundarins er að fara yfir stöðuna í kjaraviðræðum Samtaka atvinnulífsins og Starfsgreinasambands Íslands sem Framsýn á aðild að og næstu skref. Þá verður tekið fyrir atvik sem átti sér stað í vikunni í Karphúsinu og tengist kjaraviðræðunum. Fyrir fundinum liggur tillaga um að ráðist verði í aðgerðir á félagssvæði Framsýnar til að knýja á um gerð kjarasamnings en verkafólk hefur verið án samnings frá 1. febrúar 2024. Framsýn telur ástandið ólíðandi með öllu. Nánari fréttir af fundinum verða birtar á heimasíðunni eftir fundinn á morgun.

Höfðinglegar móttökur

Starfsmenn stéttarfélaganna í Þingeyjarsýslum fóru í náms- og kynnisferð til Færeyja um síðustu helgi. Með í för voru makar starfsmanna. Tilgangur ferðarinnar var að fræðast um starfsemi verkalýðsfélaga og stöðu verkafólks og sjómanna í Færeyjum auk þess að heimsækja Aðalræðisskrifstofu Íslands í Færeyjum. Sendinefndinni frá Húsavík var alls staðar mjög vel tekið sem full ástæða er til að þakka kærlega fyrir.

Formaður Sjómannasambands Færeyja, Jan Højgaard, bauð gestunum í heimsókn í höfuðstöðvar sambandsins í Þórshöfn þar sem hann fór yfir stöðu sjómanna og komandi kjaraviðræður við atvinnurekendur. Fækkað hefur í sambandinu á undanförnum árum sem á sér þær helstu skýringar að fiskiskipum hefur fækkað um leið og þau hafa orðið stærri og öflugri. Sama þróun hefur verið á Íslandi. Þá þáði hópurinn boð til ræðismanns Íslands í Þórshöfn sem fór yfir hlutverk sitt og skrifstofunnar í Færeyjum sem og efnahagsástandið. Virkilega áhugaverð heimsókn. Það voru þær Ágústa Gísladóttir aðalræðismaður Íslands og Brynja Ósk Birgisdóttir fulltrúi sem tóku á móti gestunum og fóru yfir stöðu mála í Færeyjum. Þá var komið að því að heimsækja Færeyska verkamannasambandið sem lagði mikið upp úr því að taka vel á móti hópnum frá Íslandi. Formaður sambandsins, Georg F. Hansen fór fyrir fulltrúum stéttarfélaganna í Færeyjum, þau voru: Elin Sørensen, Maud Túgvustein, Amy Mortensen, Sonja Jógvansdóttir og  Jan Højgaard formaður Sjómannasambandsins sem valdi að taka jafnframt þátt í móttökunni hjá Færeyska verkamannasambandinu. Eftir góða kynningu á málefnum verkafólks í Færeyjum var gestunum boðið í kynnisferð um Færeyjar og í hádegisverð. Nýjustu göngin í Færeyjum voru meðal annars skoðuð en þau liggja til Sandeyjar sem eru um 11 km löng. Göngin eru glæsileg í alla staði en eins og kunnugt er leggja Færeyingar mikið upp úr góðum samgöngum á sjó og landi, eitthvað sem við Íslendingar gætum lært af. Að sjálfsögðu fannst forsvarsmönnum Færeyska verkamannasambandsins við hæfi að sýna gestunum frá Íslandi þorpið Húsavík enda komandi frá Húsavík á Íslandi. Ekki má svo gleyma því að heiðurshjónin Hilmar Joensen og frú Gunnvør Joensen frá Nolsoy, sem er rétt við Þórshöfn, litu til gestana frá Húsavík sem dvöldu á Hótel Hafnia meðan á ferðinni stóð. Formaður Framsýnar og Hilmar störfuðu um tíma saman að samnorrænu verkefni er tengist sjávarbyggðum og menningarlífi í smærri byggðalögum á Norðurlöndunum. Ferðir sem þessar eru mjög mikilvægar enda alltaf áhugavert að fræðast um starfsemi verkalýðshreyfingarinnar í öðrum löndum um leið og þeim býðst að fræðast um stöðuna á Íslandi sem vakti reyndar athygli hjá þeim en fulltrúar Framsýnar fóru yfir stöðuna á Íslandi og yfirstandandi kjaraviðræður við Samtök atvinnulífsins.

Flogið áfram til Húsavíkur

Vegagerðin hefur samið við flugfélagið Mýflug um flug frá Reykjavík til Húsavíkur út mars. Þrátt fyrir þessar breytingar verða engar áþreifanlegar breytingar á þjónustu við farþega, s.s. bókanir sem fara áfram í gegnum bókunarvél Ernis. Flognar verða fimm ferðir í viku á tímabilinu 1. mars til 31. mars. Flogið verður fjóra daga í viku milli Húsavíkur og Reykjavíkur. Flugvélar af gerðinni Beechcraft King Air B200, sem er 9 farþegasæta vél, og Jetstream 32, sem tekur 19 farþega í sæti, verða notaðar í þetta verkefni. Flugleiðir þessar eru styrktar sérstaklega af ríkinu til að tryggja tímabundið lágmarksþjónustu á þessum leiðum á meðan markaðslegar forsendur eru ekki til staðar, enda flugið mikilvægt fyrir íbúa og atvinnulíf á svæðunum. Framsýn mun halda áfram að berjast fyrir því að stjórnvöld komi að því að styðja við bakið á þessari flugleið til framtíðar enda afar mikilvægt að svo verði fyrir íbúa á svæðinu og alla þá fjölmörgu aðra sem treysta á flugið um Húsavíkurflugvöll. Að gefnu tilefni er rétt að taka fram að stéttarfélagsfargjöldin gilda áfram fyrir félagsmenn Skrifstofu stéttarfélaganna á Húsavík.

Fundað með þingmanni

Eins og kunnugt er hefur Framsýn alla tíð lagt mikið upp úr því að eiga gott samstarf við þingmenn kjördæmisins um málefni íbúa og atvinnulífsins í Þingeyjarsýslum enda eitt af hlutverkum félagsins að vinna að því efla svæðið á flestum sviðum til búsetu. Hvað það varðar, biðlaði Framsýn nýlega til þingmanna kjördæmisins um að koma að því með félaginu og öðrum stéttarfélögun á svæðinu að tryggja áframhaldandi flugsamgöngur milli Reykjavíkur og Húsavíkur. Viðbrögð þingmanna hafa valdið miklum vonbrigðum svo ekki sé meira sagt með fáeinum undantekningum.

Bjarkey Olsen Gunnarsdóttir þingmaður VG svaraði kalli félagsins ásamt Kára Gautasyni framkvæmdastjóra þingflokks Vinstrihreyfingarinnar – græns framboðs með því að óska eftir fundi með formanni Framsýnar til að kynna sér málið frekar. Komu þau við á Skrifstofu stéttarfélaganna í gær. Góðar umræður urðu um mikilvægi þess að fluginu milli Húsavíkur og Reykjavíkur verði viðhaldið með stuðningi frá ríkinu. Þá urðu umræður um atvinnu- og velferðarmál og yfirstandandi kjaraviðræður verkalýðshreyfingarinnar við Samtök atvinnulífsins sem eru í uppnámi um þessar mundir. Þrátt fyrir það er líklegt að viðræðum verði fram haldið á allra næstu dögum. Það mun væntanlega skýrast betur síðar í dag.

Nafnar í góðum gír

Hvolpurinn Kúti kom í heimsókn á Skrifstofu stéttarfélaganna á dögunum. Tilgangurinn var ekki að leita eftir upplýsingum um helstu réttindi á vinnumarkaði, þess stað snerist heimsóknin um að heimsækja nafna sinn Kúta formann Framsýnar. Vel fór á með þeim nöfnum en hvolpurinn er ættaður frá einu þekktasta ræktunarbúi landsins í hundarækt, Ketilsstöðum á Tjörnesi. Kúti er framtíðar smalahundur og hefur fengið nýtt heimili þar sem honum er ætlað stórt hlutverk. Nokkuð er um að húsdýr og önnur dýr séu skýrð í höfuðið á formanni Framsýnar. Nýlega mátti m.a. sjá auglýsingu á netmiðli  þar sem Kúti var auglýstur til sölu, um var að ræða hestfolald sem fæddist 1. maí á baráttudegi verkafólks.  Eigandanum fannst því við hæfi að skýra folaldið í höfuðið á verkalýðsforingjanum á Húsavík. Þá hefur forystuhrúturinn Kúti vakið athygli en hann er til heimils á sauðfjárbúi sunnan við Húsavík og er að gera það gott.

Fjölmenningarfulltrúi Norðurþings – upplýsingar

Nele Marie Beitelstein hefur verið ráðin í starf fjölmenningarfulltrúa Norðurþings.

Fjölmenningarfulltrúi Norðurþings ber ábyrgð á málefnumsem snerta nýbúa og innflytendur í Norðurþingi.

Ef þú vilt bóka fund með henni til að hjálpa þér við að koma þér fyrir í samfélagi okkar og ræða hugleiðingar sem þú gætir haft varðandi skóla, íþróttir, tómstundir, leyfi, skráningar, félagsþjónustu á vegum sveitarfélagsins o.fl., vinsamlegast hafðu samband við hana í síma eða tölvupósti. Þú getur líka óskað eftir fundi eða einfaldlega komið við á skrifstofu sveitarfélagsins og óskað eftir samtali.

Tengiliðaupplýsingar:

nele@nordurthing.is

Síma 464 6113, Símatími mánudaga – föstudaga 8:00 – 14:00.

Skrifstofa er í stjórnsýsluhúsi Norðurþings, Ketilsbraut 7-9, 640 Húsavík. Opnunartími er mánudaga – fimmtudaga 10:00 – 14:00, föstudaga 10:00 – 13:00.

Multicultural representative of Norðurþing

Nele Marie Beitelstein has been hired as the multicultural representative of Norðurþing.

The multicultural representative is responsible for the matters of new residents and immigrants in the municipality of Norðurþing .

If you would like to book a meeting with her to help you settle into our community and discuss any concerns you may have regarding schools, sports, leisure, licensing, registration, community services etc. please contact her by phone and email. You can also ask for a meeting or simply stop by at the municipality office for direct contact. 

Contact Information:

nele@nordurthing.is

By phone 464 6113, Telephone hours are Monday – Friday 8:00 – 14:00.

The office is located in the administrative building of Norðurþing, Ketilsbraut 7-9, 640 Húsavík. Opening hours are Monday – Thursday 10:00 – 14:00, Friday 10.00 – 13:00.

Rzecznik miedzykulturowy  – informacje

Nele Marie Beitelstein została zatrudniona w funkcji rzecznika miedzykulturowego dla gminy Norðurþing.

Rzecznik międzykulturowy zajmuje się sprawami dotyczacymi osób nowo przybyłych oraz imigrantów zmieszkałych w gminie Norðurþing.

Jeśli chcesz uzyskać praktyczne wskazówki dotyczace naszej spoleczności oraz zaczerpnąć informacji o szkołach, organizacjach i zajęciach sportowych oraz pozaszkolnych, pozwoleniach, sprawach urzędowych, gminnej pomocy społecznej i wiele innych wskazówek, proszę zajrzyj do nas, do urzędu gminnego Norðurþing mieszczącego się przy ulicy Ketilsbraut 7-9 w Húsavíku.

Dane kontaktowe:

nele@nordurthing.is

Tel. 464 6113, Dyżury telefoniczne: poniedziałek – piątek 8:00 – 14:00.

Biuro znajduje się w budynku gminnym Norðurþing, Ketilsbraut 7-9, 640 Húsavík.

Godziny otwarcia: poniedziałek – czwartek 10:00 – 14:00, piątek 10:00 – 13:00.

Einhugur um að efla samstarfið um fjölmenningarmál

Nele Marie Beitelstein sem ráðin hefur verið í starf fjölmenningarfulltrúa Norðurþings fundaði með starfsmönnum stéttarfélaganna í vikunni. Vilji er til þess að efla samstarfið milli aðila með það að markmiði að gera samfélagið okkar betra fyrir alla þá sem velja að flytja inn og svæðið og setjast hér að. Eins og kunnugt er hefur erlendum íbúum fjölgað verulega á félagssvæði stéttarfélaganna sem nær yfir sveitarfélögin, Norðurþing, Tjörneshrepp og Þingeyjarsveit. Stéttarfélögin hafa þegar brugðist við þessu með því að ráða Agnieszku Szczodrowsku til starfa hjá stéttarfélögunum en hún kom til starfa á síðasta ári.

Nele er með BA gráðu Visual arts, music og Fjölmiðlun og MA próf í Hagnýt fjölmiðla og Menningarfræðum frá háskólanum í Merseburg í Þýskalandi. Nele hefur starfað í ferðaþjónustu og nú síðast sinnt stöðu fjölmenningarfulltrúa sveitarfélagsins í afleysingu. Nele hefur jafnframt sinnt félagsstörfum fyrir Rauða krossinn sem og öðrum félagsstörfum.

Allir í leikhús – Leikdeild Eflingar klikkar ekki

Þá er komið að því. Leikdeild Umf. Eflingar frumsýnir leikverkið „Í gegnum tíðina“ 1. mars næstkomandi. Verkið er í leikstjórn Hildar Kristínar Thorstensen. Leikskáldið í Reykjadal, sjálfur Hörður Þór Benónýsson, skrifaði leikritið sem fjallar um líf fjölskyldu á árunum milli ca 1950-1990 og er söngdagskrá með lögum frá þessum tíma fléttað inn í söguna. Já sæll, bara frábært! 

Að sjálfsögðu ætla stéttarfélögin Framsýn, Þingiðn og STH að niðurgreiða miða á sýninguna fyrir félagsmenn á öllum aldri. Félagsmenn fá kr. 1.000,- í afslátt per miða en fullt verð er kr. 3.800,-. En munið, félagsmenn sem vonandi fjölmenna á sýninguna, þurfa að koma við á Skrifstofu stéttarfélaganna áður en þeir fara á sýninguna. Á skrifstofunni fá þeir afsláttarmiða sem þeir framvísa síðan við innganginn þegar þeir greiða fyrir miðann. Ekki flókið, skorum á alla að skella sér á leikritið á Breiðumýri, örugglega frábær kvöldstund.

Vinsamlegur fundur með Samkaupum

Forsvarsmenn Framsýnar og Samkaupa hittust á fundi síðasta mánudag til að ræða verslunarrekstur fyrirtækisins á Húsavík,  umræður urðu reyndar líka um verslun Samkaupa í Mývatnssveit. Fram kom að ekki stendur til að breyta þeirri verslun frá því sem nú er undir merkjum Krambúðar.

Varðandi verslunina Nettó á Húsavík þá gerðu forsvarsmenn Framsýnar grein fyrir umræðu í samfélaginu um óánægju heimamanna með stöðu mála. Töldu þeir mikilvægt að núverandi verslun yrði gerð aðgengilegri með breytingum á uppsetningu verslunarinnar og vöruúrvalið tæki mið af þörfum viðskiptavina á hverjum tíma. Heimafólk kvartaði oft yfir því að það væri skortur á dagvörum í versluninni sem gerði það að verkum að fólk færi í auknum mæli til Akureyrar í verslunarferðir. Þá væru verslunarkeðjur á Akureyri auk þess farnar að bjóða upp á heimsendingaþjónustu til Húsavíkur þar sem þær fyndu fyrir óánægju viðskiptavina Nettó á Húsavík með verslunina.

Samkaup hefur gefið það út að til standi að byggja upp öflugan verslunarkjarna á svæðinu. Framsýn legði mikið upp úr því að áherslur félagsins næðu fram að ganga, öflugur matvörumarkaður væri forsendan fyrir því að önnur verslun þrifist á Húsavík. Að þessum markmiðum væri félagið tilbúið að vinna með Samkaupum og öðrum verslunareigendum á Húsavík og í næsta nágrenni. Þá væri afar mikilvægt að Samkaup skipti við framleiðendur í Þingeyjarsýslum og kæmi jafnframt að því að styrkja samfélagið almennt með framlögum s.s. til æskulýðs, íþrótta og menningarmála.

Forsvarsmenn Samkaupa tóku ábendingum Framsýnar mjög vel. „Verslunarfermetrar að Garðarsbraut 64 eru of fáir og er það stóra áskorun okkar í dag“ segir Gunnar Egill Forstjóri Samkaupa.  Á síðustu árum hafa margir kostir verið skoðaðir á svæðinu með tilliti til fjölgun verslunarfermetra. Má þar nefna að flytja núverandi verslanir á einn stað annarsstaðar í bænum eða byggja við annað hvort Garðarsbraut 5 eða 64. Hafa þessar umleitanir síðustu ára ekki leitt til árangurs og þeim því hætt. Því hafði forstjóri Samkaupa samband við sveitastjóra Norðurþings síðasta haust og óskaði eftir samtali um lóðir sem vænlegt væri að byggja á til framtíðar. Leiddi þetta samtal til þess að nú stendur yfir skipulagsvinna varðandi lóð í landi Húsavíkur við Norðausturveg og stefnt þar að uppbyggingu verslunarkjarna með 1.300 fermetra Nettó verslunar auk annarrar þjónustu.

„Núverandi verslunarrými að Garðarsbraut 64 hefur verið stækkað tvívegis síðustu ár en góð verslun heimamanna og gesta hefur enn á ný gert verslunarrýmið of lítið. Stjórnendur og starfsfólk okkar hefur staðið sig frábærlega á svæðinu við þjónustu við viðskiptavini að mínu mati. En í ljósi stöðunnar munu þau ráðast í í endurskoðun á vöruvali verslunarinnar, breyta uppröðun eins og kostur er og rýmka núverandi rými eins og kostur er þangað til ný verslun getur risið. Samkaup hefur stutt við bakið á mörgum samfélagslegum verkefnum á svæðinu síðustu ár og verslað við heimaaðila eins og kostur er og mun gera það áfram“ segir Gunnar að lokum.

Forsvarsmenn Samkaupa og Framsýnar sammæltust um að vera í góðu sambandi hvað það varðar að efla verslunarrekstur á Húsavík. Framsýn mun fylgja málinu eftir af fullum þunga íbúum til hagsbóta.

Kalla eftir viðbrögðum stjórnvalda strax – flugsamgöngur í verulegri hættu

Komi ekki til kraftaverk verður áætlunarflugi til Húsavíkur hætt um næstu mánaðamót á vegum Flugfélagsins Ernis. Það sem af er vetri hefur flugfélagið fengið tímabundinn ríkisstyrk með fluginu til Húsavíkur sem klárast um næstu mánaðamót. Full ástæða er til að hafa miklar áhyggjur af stöðunni. Forsvarsmenn Framsýnar hafa verið í sambandi við stjórnendur flugfélagsins, sveitastjórnarmenn stjórnvöld og þingmenn Norðausturkjördæmis með það að markmiði að mynda breiðfylkingu um áframhaldandi flugsamgöngur milli Húsavíkur og Reykjavíkur. Ekki þarf að fara mörgum orðum yfir mikilvægi þess fyrir Þingeyinga og alla þá sem treysta þurfa á öruggar flugsamgöngur milli landshluta að fluginu verði viðhaldið.

Framsýn hefur þegar komið áhyggjum sínum á framfæri við þingmenn kjördæmisins og forsvarsmenn ríkistjórnarinnar með meðfylgjandi bréfi:  

Ágætu þingmenn

Flugfélagið Ernir hóf að fljúga til Húsavíkur í apríl 2012. Þá höfðu flugsamgöngur milli Húsavíkur og Reykjavíkur legið niðri í tæp 12 ár. Frá þeim tíma hafa forsvarsmenn flugfélagsins átt mjög gott samstarf við heimamenn um flugið enda mikilvæg samgönguæð milli landshluta.

Forsvarsmenn fyrirtækja, sveitarfélaga, stéttarfélaga, ríkisstofnana, sem og íbúar hafa kallað eftir öruggum flugsamgöngum inn á svæðið.

Hvað ákall heimamanna varðar um viðunandi samgöngur, hefur Framsýn stéttarfélag nánast frá upphafi komið að því að styrkja flugleiðina Reykjavík-Húsavík með magnkaupum á flugmiðum fyrir sína félagsmenn, sem eru rúmlega þrjú þúsund, auk þess sem félagið hefur komið að markaðssetningu flugfélagsins hvað varðar áætlunarflug til Húsavíkur.

Markmið Framsýnar hefur verið að tryggja flugsamgöngur inn á svæðið og tryggja um leið flugfargjöld á viðráðanlegu verði fyrir félagsmenn, sem margir hverjir hafa lítið á milli handanna. Almennt má segja að mikil ánægja hafi verið meðal félagsmanna Framsýnar og íbúa í Þingeyjarsýslum með frumkvæði félagsins að stuðla að því að tryggja flugsamgöngur í góðu samstarfi við aðra hagsmunaaðila. Vissulega hefur gefið á móti, en fram að þessu hafa menn komist klakklaust í gegnum brimskaflana hvað áætlunarflugið varðar.

Eins og þingmönnum er vel kunnugt um hefur rekstrargrundvöllur fyrir innanlandsflugi ekki verið upp á marga fiska og því hefur ríkið þurft að koma að því að ríkisstyrkja nokkrar flugleiðir með útboðum eða með sértækum aðgerðum, s.s. til Vestmannaeyja og Húsavíkur. Styrkurinn til Húsavíkur kom til á síðasta ári þegar núverandi eigendur Flugfélagsins Ernis gáfu út að þeir væru að gefast upp á flugi til Húsavíkur nema til kæmi ríkisstuðningur á flugleiðinni, líkt og væri með annað áætlunarflug til smærri staða á Íslandi. Í kjölfarið kom Vegagerðin að því tímabundið að styrkja flugleiðina.

Nú er svo komið að áætlunarflugi til Húsavíkur verður hætt um næstu mánaðamót fáist ekki frekari stuðningur frá ríkinu. Undirritaður fh. Framsýnar hefur fundað með forsvarsmönnum flugfélagsins síðustu daga, þar sem þetta hefur verið staðfest. Fari svo að fluginu verði hætt, sem flest virðist því miður benda til, er um að ræða gríðarlegt reiðarslag fyrir Þingeyinga og alla þá aðra sem eiga erindi inn á svæðið.

Höfum í huga að fjölmargir þurfa að reiða sig á flugið fyrir utan svokallaða hagsmunaaðila sem nefndir eru hér að ofan, það er allur sá fjöldi sem þarf af heilsufarsástæðum að leita lækninga og sérfræðiþjónustu á höfuðborgarsvæðinu og treystir á öruggar flugsamgöngur um Húsavíkurflugvöll. Svo ekki sé talað um útgjöldin sem munu stóraukast, ekki síst hjá efnalitlu fólki, hætti áætlunarflugið um mánaðamótin.

Á fundi stjórnar og trúnaðarráðs Framsýnar fimmtudaginn 15. febrúar var formanni félagsins falið að skrifa þingmönnum kjördæmisins bréf þar sem kallað verði eftir stuðningi þeirra við að tryggja áframhaldandi áætlunarflug til Húsavíkur. Þess er vænst að þingmenn svari ákalli Þingeyinga og gangi til liðs við heimamenn í þessu mikilvæga í atvinnu- og  byggðamáli.

Fulltrúar Framsýnar eru reiðubúnir að funda með þingmönnum og/eða veita þeim frekari upplýsingar verði eftir því leitað enda mikilvægt að þingmenn séu vel upplýstir um málið.

Húsavík 16. febrúar 2024

Virðingarfyllst

Fh. Framsýnar stéttarfélags

Aðalsteinn Árni Baldursson formaður

The union´s office is closed on 22nd and 23rd of February.

Due to a study and staff tour of the unions’ employees on Thursday and Friday next week, i.e. February 22nd and 23rd, the unions’ office will be closed during this time. Employees will be out of service area during this time. This is not least why it is important that members stop by after the weekend if they have business with the office staff, e.g. regarding renting holiday apartments. We apologize for any inconvenience because of this.

The union´s staff