kuti

Þessi mynd er tekin af góðum manni nokkuð löngum sem var á Mærudögum á Húsavík um síðustu helgi. Myndin er tekin við höfnina og býr maðurinn á Húsavík, það er í suðurbænum. Þeim landsmönnum sem ætla ekki í útilegu um helgina gefst tækifæri á að taka þátt í getraun á vegum heimasíðu stéttarfélaganna svo þeim leiðist ekki um helgina. Sem sagt, hver er maðurinn á myndinni? Beðið er um fullt nafn. Þeir sem telja sig hafa rétt svar eru beðnir um að senda það á netfangið kuti@framsyn.is. Að sjálfsögðu eru vegleg verðlaun í boði og dregið verður úr réttum svörum á þriðjudaginn. Góða skemmtun og ánægjulega helgi landsmenn góðir. (Sjá stærri mynd af manninum góða) Read more „Smá grín fyrir þá sem heima sitja um helgina!“

Stjórn Þingiðnar kemur saman til fundar miðvikudaginn 7. ágúst  kl. 18:00 í fundarsal stéttarfélaganna. Mál sem verða til umræðu eru kjaramál, húsnæðismál stéttarfélaganna, Vaðlaheiðargöng, þing AN í haust og AN-kortið sem veitir félagsmönnum afslátt víða um land.

Starfshópur um samræmingu á fjölskyldu og -atvinnulífi hefur nú skilað félags- og húsnæðismálaráðherra tillögum sínum og greinargerð. Velferðarráðherra skipaði hópinn í samstarfi við Jafnréttisráð og Jafnréttisstofu haustið 2012.  Read more „Samræming fjölskyldu og atvinnulífs“

Nú er lokið skráningu í sumarferð stéttarfélaganna. Þátttakan er mjög góð þar sem yfir þrjátíu félagsmenn og makar þeirra hafa skráð sig í ferðina. Um er að ræða söguferð um Langanes laugardaginn 24. ágúst. Farið verður frá Húsavík kl. 08:00. Read more „Góð þátttaka í sumarferð stéttarfélaganna“

Að venju hefur mikið verið að gera á Skrifstofu stéttarfélaganna í sumar við að sinna starfsfólki við ferðaþjónustu. Því miður hefur töluvert verið um samningsbrot í greininni sem Framsýn lítur alvarlegum augum. Unnið hefur verið að því með starfsfólki og yfirmönnum viðkomandi fyrirtækja að koma hlutunum í lag. Read more „Framsýn ávalt á vaktinni – samningsbrot í ferðaþjónustu“

Síðustu samningarnir vegna áforma þýska fyrirtækisins PCC um að byggja Kísilver á Bakka voru undirritaðir í morgun. Read more „Stórt skref fyrir Norðurþing“

Vegna forfalla losnaði orlofshús á vegum stéttarfélaganna á Flúðum á Suðurlandi frá föstudeginum 9. ágúst til 16. ágúst. Áhugsamir geta haft samband við Skrifstofu stéttarfélaganna í síma 464-6600. Vikan kostar kr. 24.000,-. Orlofshúsið er staðsett í Ásabyggð á Flúðum, ca 100 km frá Reykjavík. Read more „Viltu komast í sólina – laust sumarhús á Suðurlandi“

Nú standa yfir miklar framkvæmdir á veginum frá Húsavík upp að þeistareykjum þar sem verið er að byggja upp Reykjaheiðarveginn. Vöntun er á starfsmönnum með meirapróf til að vinna á vörubílum og öðrum tækjum.  Áhugsamir eru beðnir um að hafa samband við Hólmgeir í síma 8945348 sem veitir frekari upplýsingar.

Sem betur fer hefur árað vel í íslenskum sjávarútvegi á undanförnum árum. Þess vegna lagði Framsýn til í síðustu kjarasamningum að fiskvinnslufólk fengi að njóta þess í hærri launum. Fyrir þá sem ekki vita eru byrjunarlaun starfsmanna í fiskvinnslu kr. 198.153 á mánuði. Því miður varð ekki samstaða innan verkalýðshreyfingarinnar um þessa tillögu. Read more „Innistaða fyrir arðgreiðslum en ekki hærri launum“

Bæjarstjórn Norðurþings hefur samþykkti að veita fulltrúum sveitarfélagsins fullt umboð til að skrifa undir fyrirliggjandi samninga við þýska iðnfyrirtækið PCC vegna áforma fyrirtækisins um uppbyggingu kísiliðjuvers á Bakka. Read more „Fagnar samþykkt Norðurþings varðandi Kísilver“

Hin árlega og vinsæla hrútasýning Fjáreigendafélags Húsavíkur fór fram um helgina. Að þessu sinni var keppnin afar spennandi. Keppt var í tveimur flokkum, það er flokki eldri og yngri hrúta.  Eftir að dómararnir, Sigurður Þórarinsson úr Skarðaborg og Guðmundur Jónsson úr Fagraneskoti höfðu endurmetið hrútana þar sem tveir voru jafnir og efstir dæmdu þeir kynbótahrútinn Guðna Ágústsson í fyrsta sæti. Read more „Guðni sigraði á Mærudögum“

Mærudagar fóru fram á Húsavík um helgina og gengu almennt mjög vel. Mikill fjöldi fólks tók þátt í hátíðarhöldunum. Hér koma nokkrar myndir sem teknar voru um helgina. Read more „Hamingja á Mærudögum“

Framsýn – stéttarfélag bauð upp á opið hús í hádeginu í dag (föstudag) og verður aftur með opið hús á morgun (laugardag) kl. 12:00-13:00. Á opnu húsi er boðið upp kaffi, drykki, popp og augna- og eyrnakonfekt, sem er sýning á nýju kvikmyndinni um Framsýn og atvinnulíf í Þingeyjarsýslum. Sýning myndarinnar tekur um 20 mín. Verið öll velkomin!

Blaðamaður heimsíðunnar skaut mynd af Grétu, Berglind og Loga, sem hafa í nógu að snúast. Gréta er sjúkranuddari og rekur sjúkranuddstofu á Húsavík og Berglind og Logi reka kjötvinnslu og veisluþjónustu. Þessa dagana hafa þau í mörg horn að líta, enda bærinn fullur af fólki á Mærudögum.

Blaðamaður heimasíðu Framsýnar – stéttarfélags brá sér í stutta gönguferð til að kíkja á Mærudagsskreytingar, en með hverju árinu verða íbúar listfengari og duglegri á þessu sviði. Íbúar, gestir, fyrirtæki, stofnanir og þjónustuaðilar taka sig saman og glæða Húsavik appelsínugulum, grænum og bleikum skreytingum og listaverkum. Sjón er sögu ríkari.

Read more „Litir og list á Mærudögum“

Hin árlega bæjarhátið Húsvíkinga – Mærudagar er að hefjast og stendur fram á sunnudag. Að venju er í boði fjölbreytt dagskrá, við allra hæfi. Á heimasíðu Húsavíkurstofu (www.visithusavik.is) er hægt að nálgast dagskrá Mærudaganna.

Eitt af því sem boðið verður upp á er Botnsvatnshlaup Landsbankans, en það verður haldið á laugardaginn kl. 12:00.

Read more „Mærudagar – Botnsvatnshlaup“

Nýlega gaf Framsýn út áhugavert myndband um starfsemi félagsins og atvinnulífið í Þingeyjarsýslum. Myndbandið hefur fengið góða dóma og er mikið spilað (sjá www.framsyn.is – útgefið efni). Umsjónarmaður með gerð myndbandins var Rafnar Orri Gunnarsson kvikmyndagerðarmaður. Framsýn mun verða með opið hús á föstudaginn og laugardaginn í fundarsal stéttarfélaganna (sjá meira).

  Read more „Við bjóðum heim á Mærudögum – í bíó!!“

Samtök atvinnulífsins, Alþýðusamband Íslands og Ríkisskattstjóri munu í sumar taka höndum saman á nýjan leik og ráðast í sérstakt átak til þess að hvetja bæði atvinnurekendur og launafólk til að standa rétt að samningum sín í milli. Fulltrúar aðilanna þriggja munu heimsækja vinnustaði, kanna aðstæður, veita ráðgjöf og fræðslu um viðeigandi reglur og lagaramma og hvetja bæði atvinnurekendur og launafólk til að gera nauðsynlegar úrbætur ef þurfa þykir. Yfirskrift átaksins er Leggur þú þitt af mörkum? Read more „RSK og fulltrúar Framsýnar í eftirlitsferð“

Framsýn, Þingiðn og Verkalýðsfélags Þórshafnar eru aðilar að Afsláttarkorti Alþýðusambands Norðurlands fyrir félagsmenn stéttarfélaganna. Kortið veitir félagsmönnum afslátt hjá fjölmörgum fyrirtækjum,verslunum og veitingastöðum á félagssvæði Alþýðusambands Norðurlands (AN). Stjórnir félaganna vonast til að félagsmenn komi til með að nota kortið og nýta sér þá afslætti sem það býður upp á. Nánari upplýsingar má finna hér á   heimasíðu kortsins. Félagsmenn geta nálgast kortið á Skrifstofu stéttarfélaganna. Þar er einnig hægt að fá nánari upplýsingar. Read more „Ný og betri kjör fyrir félagsmenn“

Kátir dagar verða haldnir á Þórshöfn um helgina 19.-21. júlí. Að venju verður margt fróðlegt og skemmtilegt í boði fyrir alla aldurshópa. Veðurspá helgarinnar er afar góð, hiti og sólríkt. Enginn er svikinn af þessari hátið og njóta í leiðinni einstakrar náttúru svæðisins og einstakrar þjónustu og gestrisni heimamanna.

Read more „Kátir dagar á Þórshöfn“

Skráð atvinnuleysi í júní 2013 var 3,9% á landsvísu en að meðaltali voru 6.935 atvinnulausir í júní. Á Norðurlandi eystra voru 436 á atvinnuleysisskrá í lok júní. Flestir þeirra voru hjá Akureyrarkaupstað eða 298.  Read more „Skráð atvinnuleysi 3,9% á landsvísu“