Vinnustaðarölt um Þórshöfn

Formanni Framsýnar, Aðalsteini Árna Baldurssyni, var boðið í vinnustaðaheimsóknir á Þórshöfn í gær. Með í för var Kristín Kristjánsdóttir starfsmaður Verkalýðsfélags Þórshafnar. Komið var við hjá Langanesbyggð, Samkaupum, Samskipum, Naustinu, frystihúsi ÍV og leikskólanum á Þórshöfn. Gestunum var alls staðar vel tekið en nokkuð var um veikindi á vinnustöðum. Sjá myndir:
Spjallað við starfsmenn á Naustinu sem er heimili aldraðra á Þórshöfn.

Elva hjá Ísfélaginu klikkar ekki. Hér er hún á tali við Kristínu starfsmann VÞ.

Gréta hjá Þekkingarneti Þingeyinga var að sjálfsögðu með sparibrosið í gær enda “fallegir” gestir í heimsókn.

Höfðinginn, Jón R. Gíslason starfar hjá Landflutningum. Að sjálfsögðu var tekið hús á honum.

Það var fallegt veður á Þórshöfn en nokkuð kalt. Öflugur leikskóli er rekinn á staðnum og voru börnin við leik og störf á skólalóðinni.

Starfsmenn Samkaupa voru í stuði enda engin ástæða til annars.

Þær starfa einnig hjá Samkaupum.

Fulltrúar Verkalýðsfélags Þórshafnar átttu góðan fund með starfsmönnum og forsvarsmönnum Ísfélagsins um kjaramál en óskað hefur verið eftir endurskoðun á bónusmálum hjá fyrirtækinu.