Félagsmönnum í Verkalýðsfélagi Þórshafnar bjóðast ýmsir styrkir til starfsmenntunar. Styrkirnir tengjast námskeiðum sem menn sækja og námi á háskólastigi. Greiðslur Verkalýðsfélags Þórshafnar miðast við að menn séu greiðendur til félagsins þegar námskeið eru sótt eða meðan á námi á háskólastigi stendur. Verkalýðsfélag Þórshafnar er aðili að nokkrum sjóðum til að tryggja félagsmönnum góðan aðgang að styrkjum.
Hér má nálgast upplýsingar um réttindi í starfsmenntasjóðum.
Þeir sem starfa eftir kjarasamningi Starfsgreinasambands Íslands og Samtaka atvinnulífsins eiga aðild að Landsmennt.
Félagsmenn sem starfa hjá sveitarfélögum eiga aðild að Sveitamennt.
Félagsmenn sem starfa hjá stofnunum ríkisins eiga aðild að Ríkismennt.
Félagsmenn sem starfa við sjómensku eiga aðild að Sjómennt.
Starfsmenntasjóður verslunar- og skrifstofufólks
Félagsmenn sem starfa eftir kjarasamningi Landssambands íslenskra verslunarmanna og Samtaka atvinnulífsins eiga aðild að Starfsmenntasjóði verslunar- og skrifstofufólks.
Styrkir til fyrirtækja, sveitarfélaga og ríkisstofnana.
Vinnuveitendur, stéttarfélög og/eða fræðsluaðilar geta sótt um styrki til stjórna sjóðanna vegna fræðsluverkefnis innan vinnustaðarins. Í umsókninni þurfa að koma fram helstu upplýsingar um verkefnið. Nánari upplýsingar má nálgast á heimasíðu sjóðanna eða á skrifstofu félagsins í síma 468-1160.
Landsmennt
Hverjir eiga m.a. rétt úr þessum sjóði?
Almennt verkafólk, fiskvinnslufólk, starfsfólk við fiskeldi, starfsfólk mötuneyta, iðnverkafólk, vaktavinnumenn, ræstingarfólk, byggingaverkamenn, bílstjórar, starfsmenn smurstöðva, dekkjaverkstæða, sláturhúsa, kjötvinnslustöðva, bensínafgreiðslumenn, starfsmenn í ferðaþjónustu.
Hvaða skilyrði þarf félagsmaður að uppfylla til að eiga rétt á styrk til starfsmenntunar hjá Landsmennt, starfsmenntun Samtaka atvinnulífsins og verkafólks á landsbyggðinni?
1. Félagsmaður sem unnið hefur fullt starf í a.m.k. 6 mánuði af síðustu 12 og greitt til aðildarfélags Landsmenntar á þeim tíma á rétt á stuðningi til starfsnáms. Greitt er hlutfallslega fyrir fólk í hlutastörfum.
2. Félagsgjöld 19.800 kr. eða meira jafngilda 100% starfshlutfalli, miðað við síðustu 12 mánuði.
3. Styrkir eru greiddir út eftir að námi/námskeiði er lokið. Fylla þarf út umsóknareyðublað og skila ásamt reikningi og staðfestingu á að námi sé lokið. Umsókn þarf að berast viðkomandi stéttarfélagi innan 12 mánaða frá því að námi/námskeiði lauk.
4. Áunnin réttindi félagsmanna innan Landsmenntar, Sjómenntar, Starfsafls, Starfsmenntasjóðs verslunar-og skrifstofufólks, Ríkismenntar SGS og Sveitamenntar SGS og LN haldast óbreytt þrátt fyrir flutning á milli aðildarfélaga sjóðanna.
5. Sá sem hverfa þarf tímabundið af vinnumarkaði af ástæðum sem valda því að ekki ber að skila tryggingagjaldi af launum hans, heldur í allt að tuttugu og fjóra mánuði þeim rétti til starfsmenntunarstyrks sem hann hafði áunnið sér hjá sjóðnum. Að tuttugu og fjórum mánuðum liðnum, frá því hann hvarf af vinnumarkaði, fellur réttur hans að fullu niður.
6. Foreldrar í fæðingar-eða foreldraorlofi geta nýtt sér áunnin rétt skv. 1. gr. ef þeir velja að greiða stéttarfélagsgjöld á meðan á orlofi stendur.
7. Atvinnulausir félagsmenn halda áunnum rétti sínum eins og hann var við starfslok ef þeir velja að greiða stéttarfélagsgjöld af atvinnuleysisbótum.
Hve mikið er greitt ?
Greitt er að hámarki kr. 60.000.- á ári ef félagsgjald er kr. 19.800.- eða meira. Miða skal við almanaksárið. Aldrei er þó greitt meira en sem nemur 75% af námskostnaði.
Um styrk vegna náms til aukinna ökuréttinda
Félagsmenn eiga rétt á styrk vegna meiraprófs að upphæð 100.000.- Hver einstaklingur getur einungis fengið slíkan styrk einu sinni. Ekki skiptir máli hvort allir fjórir þættir aukinna ökuréttinda séu teknir.
Styrkir til náms vegna almennra ökuréttinda.
Frá 1. janúar 2008 geta félagsmenn sótt um styrk til náms til almennra ökuréttinda. Hver félagsmaður getur einungis sótt um slíka styrki einu sinni og hámarksupphæð er sú sama og hámarksupphæðir sjóðanna eru hverju sinni þó aldrei meir en 75% af kostnaði.
Frístunda/tómstundanámskeið
Landsmennt veitir styrki vegna tómstundanámskeiða ýmiskonar og er endurgreiðsla vegna þeirra 50% af kostnaði en aldrei hærri en kr. 18.000.- á ári og dregst jafnframt af heildarupphæð einstaklingsstyrks þess árs.
Styrkir til kaupa á hjálpartækjum fyrir lestrar-og ritstuðning.
Félagsmenn sem eru lesblindir eða eiga við lestrar-og ritörðugleika að stríða geta sótt um allt að 75% styrk vegna kaupa á hjálpartækjum ætluðum til stuðnings við lestur og skrift. Heildarstyrkur miðast við hámarksupphæð skv. almennum reglum sjóðsins eða kr. 60.000.-
Rétt er að hvetja félagsmenn til að kynna sér vel þær reglur sem gilda um úthlutun úr sjóðnum. Hægt er að nálgast umsóknareyðublöð á heimasíðu stéttarfélaganna.
Þá er hægt að nálgast meiri upplýsingar um Landsmennt á heimasíðu sjóðsins, www.landsmennt.is
Sveitamennt
Hverjir eiga m.a. rétt úr þessum sjóði?
Starfsmenn sveitarfélaga eiga rétt á að sækja um styrki úr þessum sjóði enda séu þeir félagsmenn í Verkalýðsfélagi Þórshafnar.
Hvaða skilyrði þarf félagsmaður að uppfylla til að eiga rétt á styrk til starfsmenntunar hjá Sveitamennt?
1. Félagsmaður sem unnið hefur fullt starf í a.m.k. 6 mánuði af síðustu 12 og greitt hefur verið af til Sveitamenntar á þeim tíma á rétt á stuðningi til starfsnáms.
2. Félagsgjöld 19.800 kr. eða meira jafngilda 100% starfshlutfalli, miðað við síðustu 12 mánuði. Greitt er hlutfallslega fyrir fólk í hlutastörfum.
3. Styrkir eru greiddir út eftir að námi/námskeiði er lokið. Fylla þarf út umsóknareyðublað og skila ásamt reikningi og staðfestingu á að námi sé lokið. Umsókn þarf að berast viðkomandi stéttarfélagi innan 12 mánaða frá því að námi/námskeiði lauk.
4. Félagsmaður sem hverfur frá vinnu vegna veikinda, heimilisástæðna eða af öðrum gildum ástæðum, heldur rétti sínum til styrks enda komi hann aftur til vinnu eftir starfshlé og skal þá eiga rétt á greiðslu í samræmi við reglur.
5. Foreldrar í fæðingarorlofi geta nýtt sér áunninn rétt skv. 1. gr. ef þeir velja að greiða félagsgjöld á meðan á orlofi stendur.
6. Félagsmenn í atvinnuleit halda áunnum rétti sínum eins og hann var við starfslok ef þeir velja að greiða félagsgjöld af atvinnuleysisbótum.
7.Áunnin réttindi félagsmanna innan Sveitamenntar SGS, Ríkismenntar SGS, Landsmenntar, Starfsafls, Sjómenntar og Starfsmenntasjóðs verslunar-og skrifstofufólks haldast óbreytt þrátt fyrir flutning á milli aðildarfélaga/deilda sjóðanna.
Hve mikið er greitt ?
Styrkur til hvers félagsmanns skal samanlagt aldrei vera hærri en kr. 60.000 á hverju almanaksári nema þegar um er að ræða styrk vegna aukinna ökuréttinda þar sem veittur er sérstakur styrkur.
Hlutfall styrks af heildarkostnaði fer að öllu jöfnu eftir samhengi starfs viðkomandi og þess náms sem sótt er um styrk til ásamt því að taka tillit til aðkomu þess sveitarfélags sem félagsmaður starfar hjá. Við það mat skal hafa eftirfarandi til grundvallar:
- Þegar um er að ræða nám sem félagsmaður ákveður að taka að eigin frumkvæði og er í beinu samhengi við starf viðkomandi er sjóðnum heimilt að styrkja viðkomandi um allt að 90% af kostnaði við námið.
- Ef um er að ræða almennt og viðurkennt nám sem leggja má til grundvallar undir annað starfstengt nám s.s. nám við öldungadeild eða viðurkennda fræðslustofnun (tungumálanám, tölvunám eða annað almennt nám) er sjóðnum heimilt að styrkja viðkomandi allt að 75% af kostnaði við námið. Það sama gildir um greiningu/próf sem leggja má til grundvallar frekara námi.
- Félagsmenn eiga rétt á styrk vegna aukinna ökuréttinda að upphæð kr. 100.000.- Hver félagsmaður getur einungis fengið slíkan styrk einu sinni.
- Frá 1. janúar 2008 geta félagsmenn sótt um styrk til náms til almennra ökuréttinda. Hver félagsmaður getur einungis sótt um slíka styrki einu sinni og hámarksupphæð er sú sama og hámarksupphæðir sjóðanna eru hverju sinni þó aldrei meir en 75% af kostnaði.
- Veittir eru einstaklingsstyrkir vegna frístunda-/tómstundanámskeiða og er endurgreiðsla vegna þeirra 50% af kostnaði en aldrei hærri en kr. 15.000.- á ári og dregst jafnframt af heildarupphæð einstaklingsstyrks.
Styrkir til félagsmanna á sjúkradagpeningum
Félagsmenn sem taka sjúkradagpeninga skulu halda réttindum til styrks í allt að 6 mánuði eins og réttindi voru við starfslok.
Styrkir vegna íslenskunáms
Félagsmenn sem hafa annað móðurmál en íslensku geta sótt um allt að 90% endur-greiðslu vegna 150 stunda íslenskunáms eftir þriggja mánaða félagsaðild.
Styrkir til kaupa á hjálpartækjum fyrir lestrar- og ritstuðning
Félagsmenn sem eru lesblindir eða eiga við lestrar- og ritörðugleika að stríða geta sótt um allt að 90% styrk vegna kaupa á hjálpartækjum ætluðum til stuðnings við lestur og skrift. Heildarstyrkur miðast við hámarksupphæð skv. almennum reglum sjóðsins.
Þá er hægt að nálgast meiri upplýsingar um Sveitamennt á heimasíðu sjóðsins, www.sveitamennt.is
Ríkismennt
Hverjir eiga m.a. rétt úr þessum sjóði?
Starfsmenn ríkisins eiga rétt á að sækja um styrki úr þessum sjóði enda séu þeir félagsmenn í Verkalýðsfélagi Þórshafnar.
Hvaða skilyrði þarf félagsmaður að uppfylla til að eiga rétt á styrk til starfsmenntunar hjá Sveitamennt?
1. Félagsmaður sem unnið hefur fullt starf í a.m.k. 6 mánuði af síðustu 12 og greitt hefur verið af til Sveitamenntar á þeim tíma á rétt á stuðningi til náms.
2. Félagsgjöld 19.800 kr. eða meira jafngilda 100% starfshlutfalli, miðað við síðustu 12 mánuði. Greitt er hlutfallslega fyrir fólk í hlutastörfum.
3. Styrkir eru greiddir út eftir að námi/námskeiði er lokið. Fylla þarf út umsóknareyðublað og skila ásamt reikningi og staðfestingu á að námi sé lokið. Umsókn þarf að berast viðkomandi stéttarfélagi innan 12 mánaða frá því að námi/námskeiði lauk.
4. Félagsmaður sem hverfur frá vinnu vegna veikinda, heimilisástæðna eða af öðrum gildum ástæðum, heldur rétti sínum til styrks enda komi hann aftur til vinnu eftir starfshlé og skal þá eiga rétt á greiðslu í samræmi við reglur.
5. Foreldrar í fæðingarorlofi geta nýtt sér áunninn rétt skv. 1. gr. ef þeir velja að greiða félagsgjöld á meðan á orlofi stendur.
6. Félagsmenn í atvinnuleit halda áunnum rétti sínum eins og hann var við starfslok ef þeir velja að greiða félagsgjöld af atvinnuleysisbótum.
7.Áunnin réttindi félagsmanna innan Sveitamenntar SGS, Ríkismenntar SGS, Landsmenntar, Starfsafls, Sjómenntar og Starfsmenntasjóðs verslunar-og skrifstofufólks haldast óbreytt þrátt fyrir flutning á milli aðildarfélaga/deilda sjóðanna.
Hve mikið er greitt ?
Styrkur til hvers félagsmanns skal samanlagt aldrei vera hærri en kr. 60.000 á hverju almanaksári nema þegar um er að ræða styrk vegna aukinna ökuréttinda þar sem veittur er sérstakur styrkur.
Hlutfall styrks af heildarkostnaði fer að öllu jöfnu eftir samhengi starfs viðkomandi og þess náms sem sótt er um styrk til ásamt því að taka tillit til aðkomu þeirrar stofnunar sem félagsmaður starfar hjá. Við það mat skal hafa eftirfarandi til grundvallar:
- Þegar um er að ræða nám sem einstaklingur/félagsmaður ákveður að taka að eigin frumkvæði og er í beinu samhengi við starf viðkomandi er sjóðnum heimilt að styrkja viðkomandi um allt að 90% af kostnaði við námið.
- Ef um er að ræða almennt og viðurkennt nám sem leggja má til grundvallar undir annað starfstengt nám s.s. nám við öldungadeild eða viðurkennda fræðslustofnun (tungumálanám, tölvunám eða annað almennt nám) er sjóðnum heimilt að styrkja viðkomandi allt að 75% af kostnaði við námið.
- Félagsmenn eiga rétt á styrk vegna aukinna ökuréttinda að upphæð kr. 100.000.- Hver einstaklingur getur einungis fengið slíkan styrk einu sinni.
- Frá 1. janúar 2008 geta félagsmenn sótt um styrk til náms til almennra ökuréttinda. Hver félagsmaður getur einungis sótt um slíka styrki einu sinni og hámarksupphæð er sú sama og hámarksupphæðir sjóðanna eru hverju sinni þó aldrei meir en 75% af kostnaði.
- Veittir eru einstaklingsstyrkir vegna frístunda-/tómstundanámskeiða og er endurgreiðsla vegna þeirra 50% af kostnaði en aldrei hærri en kr. 18.000.- á ári og dregst jafnframt af heildarupphæð einstaklingsstyrks.
Styrkir til félagsmanna á sjúkradagpeningum
Félagsmenn sem taka sjúkradagpeninga skulu halda réttindum til styrks í allt að 6 mánuði eins og réttindi voru við starfslok.
Styrkir vegna íslenskunáms
Félagsmenn sem hafa annað móðurmál en íslensku geta sótt um allt að 90% endurgreiðslu vegna 150 stunda íslenskunáms eftir þriggja mánaða félagsaðild.
Styrkir til kaupa á hjálpartækjum fyrir lestrar-og ritstuðning.
Félagsmenn sem eru lesblindir eða eiga við lestrar-og ritörðugleika að stríða geta sótt um allt að 90% styrk vegna kaupa á hjálpartækjum ætluðum til stuðnings við lestur og skrift. Heildarstyrkur miðast við hámarksupphæð skv. almennum reglum sjóðsins eða kr. 60.000.-
Sjómennt
Hverjir eiga m.a. rétt úr þessum sjóði?
Sjómenn í Verkalýðsfélagi Þórshafnar eiga rétt á að sækja um styrki úr þessum sjóði.
Hvaða skilyrði þarf félagsmaður að uppfylla til að eiga rétt á styrk til starfsmenntunar hjá Sjómennt?
1. Félagsmaður, sem unnið hefur í a.m.k. 12 mánuði skv. kjarasamningi SA/LÍÚ við SSÍ, hjá útgerðum innan LÍÚ, og greitt til VÞ á þeim tíma á rétt á stuðningi til starfsnáms.
2. Að loknu námi skal skila reikningi og viðurkenningu frá viðkomandi fræðslustofnun til Skrifstofu Stéttarfélaganna.
Að fullnægðum ofangreindum skilyrðum kemur til greiðslu á styrk til viðkomandi.
3. Áunnin réttindi félagsmanna innan Landsmenntar, Sjómenntar, Starfsafls, Starfsmenntasjóðs verslunar-og skrifstofufólks, Ríkismenntar SGS og Sveitamenntar SGS og LN haldast óbreytt þrátt fyrir flutning á milli aðildarfélaga sjóðanna.
4. Foreldrar í fæðingar-eða foreldraorlofi geta nýtt sér áunnin rétt skv. 1. gr. ef þeir velja að greiða stéttarfélagsgjöld á meðan á orlofi stendur.
5. Atvinnulausir félagsmenn halda áunnum rétti sínum eins og hann var við starfslok ef þeir velja að greiða stéttarfélagsgjöld af atvinnuleysisbótum.
6. Sá sem hverfur frá vinnu vegna veikinda, heimilisástæðna eða af öðrum gildum ástæðum, heldur rétti sínum til styrks, enda hverfi starfsmaður aftur til sinna starfa.
7. Þurfi félagsmaður að hverfa tímabundið af vinnumarkaði af ástæðum sem valda því að ekki ber að greiða tryggingagjald af launum hans, heldur hann þeim rétti til starfsmenntunarstyrks sem hann hafði áunnið sér hjá sjóðnum í allt að 24 mánuði. Að þeim tíma liðnum fellur réttur hans að fullu niður.
Upphæð styrks:
Greitt er að hámarki 60.000.- kr.í styrk á ári fyrir hvern félagsmann í almenna styrki, 100.000 krónur í meiraprófsstyrk.Hver einstaklingur getur einungis fengið slíkan styrk einu sinni. Ekki skiptir máli hvort allir fjórir þættir aukinna ökuréttinda séu teknir. Aldrei er þó greitt meira en sem nemur 75% af námskeiðskostnaði.
Frístunda/tómstundanámskeið
Sjómennt veitir styrki vegna tómstundanámskeiða ýmiskonar og er endurgreiðsla vegna þeirra 50% af kostnaði en aldrei hærri en kr. 18.000.- á ári og dregst jafnframt af heildarupphæð einstaklingsstyrks þess árs.
Styrkir til kaupa á hjálpartækjum fyrir lestrar-og ritstuðning
Félagsmenn sem eru lesblindir eða eiga við lestrar-og ritörðugleika að stríða geta sótt um allt að 75% styrk vegna kaupa á hjálpartækjum ætluðum til stuðnings við lestur og skrift. Heildarstyrkur miðast við hámarksupphæð skv. almennum reglum sjóðsins eða kr. 60.000.-
Starfsmenntasjóður verslunar- og skrifstofufólks
Hverjir eiga rétt í sjóðnum?
Þeir sem eru félagsmenn í Verkalýðsfélagi Þórshafnar sem starfa eftir kjarasamningi LÍV og SA og hafa greitt félagsgjald síðustu 12 mánuði. Ellilífeyrisþegar, sem voru félagsmenn VÞ þegar þeir fóru á eftirlaun, geta sótt um tómstundastyrki þó ekki lengur en í 36 á mánuði eftir að greitt er af þeim síðast til sjóðsins. Þeir sem hafa verið félagsmenn, en horfið af vinnumarkaði í allt að 24 mánuði vegna náms eða veikinda öðlast rétt að nýju þegar þeir hafa unnið í mánuð. Þeir sem fara í fæðingarorlof eða verða atvinnulausir eiga áfram rétt í sjóðnum, enda greiði þeir félagsgjald af atvinnuleysisbótum og greiðslum í fæðingarorlofi.
Hvað er hægt að fá háan námskeiðsstyrk?
Styrkur vegna náms sem kennt er samkvæmt námsskrá Fræðslumiðstöðvar atvinnulífsins er allt að 75% af námskeiðskostnaði.
Styrkur til félagsmanna, sem hafa annað tungumál en íslensku að móðurmáli, geta fengið styrk allt að 75% af kostnaði, sem þeir bera við íslenskunám fyrir útlendinga.
Styrkur vegna námskeiðs er 50% af námskeiðsgjaldi og 50% af ferðakostnaði sé meira en 50 km fjarlægð frá heimili að fræðslustofnunnar. Árlegt hámark ferðastyrks er kr. 30.000,-
Hámarksstyrkur vegna tómstundanámskeiðs er kr. 30.000,- enda eigi félagsmaður uppsöfnuð stig.
Hvernig er stigum safnað?
Þegar launagreiðandi greiðir framlag af starfsmönnum sínum til sjóðsins safnast á þá eitt stig fyrir hvern mánuð sem gefur rétt til kr. 1.000 styrks. Stigasöfnun er tekjutengd, þannig að mánaðarlaun á bilinu 75.000 – 180.000 veita eitt stig á mánuði og hærri/lægri mánaðarlaun hlutfallslega fleiri/færri stig.
Hvernig sækjum við um styrk?
Hægt er að sækja um styrki á skrifstofu VÞ, einnig er hægt að nálgast eyðublað til útprentunar á heimsíðu Starfsmenntasjóðsins (www.starfsmennt.is). Með umsókn þarf að fylgja greiðslukvittun fyrir námskeiðsgjaldi og staðfesting um að námi sé lokið (diploma). Ef um ferðakostnað er að ræða þurfa að fylgja með greinargerð um ferðirnar og greiðslukvittanir þar sem þær eiga við.
Allar nánari upplýsingar eru veittar á skrifstofu f élagsins í síma 468-1160.
Starfsreglur Starfsmenntasjóðs verslunar- og skrifstofufólks
1. Stjórn sjóðsins er heimilt að móta starfsreglur skv. 5.8. gr. samþykktar sjóðsins eftir því sem reynsla og starfsemi sjóðsins gefur tilefni til.
2. Markmið sjóðsins kemur fram í 2. gr. samþykktar sjóðsins og er eftirfarandi: „Markmið sjóðsins er að auka hæfni og menntun verslunar- og skrifstofufólks, ásamt því að stuðla að auknu framboði af námi og námsefni sem svari þörfum atvinnulífsins á hverjum tíma.“
3. Sjóðurinn veitir styrki til menntunar félaga VR/LÍV, námskeiðahalds, námsefnisgerðar og styrki til fyrirtækja til starfs- og endurmenntunar starfsmanna.
4. Stjórn sjóðsins felur VR daglega umsjón og afgreiðslu sjóðsins skv. 5.7. gr. samþykktar hans. Um það skal gerður skriflegur samningur.
5. Semja skal skriflega um innheimtu á iðgjöldum fyrir sjóðinn við lífeyrissjóði og stéttarfélög.
Úthlutunarreglur sjóðsins fyrir starfsmenn
6. Allir félagsmenn VR/LÍV sem greitt hefur verið af til sjóðsins á síðustu 12 mánuðum, geta sótt um starfsmenntastyrk til hans.
Senda ber allar umsóknir um nám erlendis til starfsmanns sjóðsins.
7. Félagsmenn VR/LÍV sem eru í fæðingarorlofi eða eru á atvinnuleysis- eða örorkubótum geta sótt um styrk til sjóðsins.
8. Ellilífeyrisþegar, sem voru félagsmenn VR/LÍV þegar þeir fóru á eftirlaun, geta sótt um tómstundastyrki sbr. 11. grein, þó ekki lengur en í 36 mánuði eftir að greitt er af þeim síðast til sjóðsins.
9. Upphæð styrksins fer eftir stigaeign. Sjóðurinn er tekjutengdur og starfsmaður getur unnið sér inn viðbótarstig eða brot úr stigi í hlutfalli við upphæð iðgjalds. Starfsmaður sem er með laun á bilinu kr. 75.000-180.000 vinnur sér inn eitt stig fyrir hvern mánuð sem greitt hefur verið iðgjald í sjóðinn og er það að jafnvirði kr. 1.000 styrks. Dæmi: ef greitt hefur verið iðgjald í sjóðinn síðustu 3 ár, á starfsmaðurinn inni 36 stig sem er að jafnvirði styrks að upphæð kr. 36.000. Starfsmenn sem eru með lægri laun en kr. 75.000 fá stig í hlutfalli við laun. Dæmi: félagsmaður sem er með kr. 60.000 laun (60.000 : 75.000 = 0,8). Það samsvarar 800 kr. styrk á mánuði. Þeir sem eru með hærri tekjur en kr. 180.000 á mánuði fá hlutfallslega fleiri stig. Dæmi: ef starfsmaður hefur kr. 225.000 í tekjur á mánuði fær viðkomandi 1,25 stig á mánuði (225.000 : 180.000 = 1,25). Það samsvarar 1.250 króna styrk á mánuði eða kr. 15.000 á ári.
10. Starfsmenntastyrkur.
Veittur er starfsmenntastyrkur eftir stigaeign, en þó aldrei meira en sem nemur helmingi af námskeiðsgjaldi. Undantekning frá meginreglu sjóðsins að veittur er 75% styrkur vegna náms, sem kennt er skv. námskrám Fræðslumiðstöðvar atvinnulífsins, sem metið er til styttingar á námi í framhaldsskóla. Þeir félagsmenn sem hafa annað tungumál en íslensku að móðurmáli, geta fengið styrk allt að 75% af kostnaði sem þeir bera við íslenskunám fyrir útlendinga. Styrki má nýta í fleiri en eitt námskeið. Stig dragast frá áunnum stigum sjá 9.gr.
11. Tómstundastyrkur.
Veittur er styrkur til að sækja tómstundanámskeið að fjárhæð kr. 30.000 á ári en þó aldrei meira en sem nemur helmingi af námskeiðsgjaldi. Fullan styrk má nýta í fleiri en eitt námskeið. Stig dragast frá áunnum stigum sbr. 9. gr.
12. Ferðastyrkur:
Sæki félagsmaður um styrk vegna starfsnáms, sem aðeins er boðið upp á utan heimabæjar viðkomandi, getur hann sótt um ferðastyrk fyrir allt að helmingi fargjalds ef vegalengdin milli heimilis og fræðslustofnunar er að lágmarki 50 km. Skila þarf inn sundurliðuðum reikningi. Stig dragast frá í samræmi við þá fjárhæð sem greidd er. Skilyrði fyrir veitingu ferðastyrks er að starfsmaður greiði sjálfur námskeiðsgjöld og ferðakostnað.
Þeir félagsmenn, sem sækja starfsnám erlendis, sem ekki er boðið upp á hérlendis, geta sótt sérstaklega um styrk til stjórnar sjóðsins sem nemur að hámarki helmingi af fargjaldi.
Ferðist viðkomandi á eigin bíl getur hann sótt um ferðastyrk, sem nemur kílómetragjaldi skv. reglum Tryggingastofnunar ríkisins.
Hámarksferðastyrkur á ári er kr. 30.000 hvort sem um er að ræða fargjald eða kílómetragjald. Ekki eru veittir ferðastyrkir vegna:Gistingar eða uppihalds, sölu/ vörusýninga, heimsókna í einstök fyrirtæki, ráðstefna almenns eðlis og starfsþjálfunar.
13. Styrkir til kaupa á hjálpartækjum fyrir lestrar-og ritstuðning:
Félagsmenn sem eru lesblindir eða eiga við lestrar-og ritörðugleika að stríða geta sótt um allt styrk sem nemur allt að 75% af kostnaði vegna kaupa á hjálpartækjum ætluðum til stuðnings við lestur og skrift. Heildarstyrkur miðast við almennar reglur sjóðsins (þ.e. stigainneign félagsmanns) en hámark styrksins er kr. 50.000.-
14. Fylla þarf út umsóknareyðublað þegar sótt er um styrki og senda það ásamt greiðslukvittun til viðkomandi stéttarfélags. Umsóknareyðublaðið er hægt að nálgast hjá aðildarfélögum sjóðsins eða á heimasíðu sjóðsins www.starfsmennt.is
Greiðslukvittun má aldrei vera eldri en 12 mánaða.
Frekari upplýsingar er hægt að fá á skrifstofu Verkalýðsfélags Þórshafnar í síma 468-1160.