Sumarhús, íbúðir, ódýr hótelgisting um allt land, farfuglaheimili og fleira
-fjölbreyttir orlofskostir fyrir félagsmenn
Samstarf félaganna – fjölbreyttir möguleikar
Með samstarfi stéttarfélaganna í Þingeyjarsýslum Framsýnar, Þingiðnar, Starfsmannafélags Húsavíkur og Verkalýðsfélags Þórshafnar býðst félagsmönnum nú mikið úrval af orlofskostum.
Umsóknareyðublað 2011
Kostir í boði sumarið 2011:
Orlofshús og íbúðir
Gistiávísanir á Fosshótelum
Gistiávísanir á Edduhótelum
Gisting á Gistihúsi Keflavíkur
Gisting á Hótel Keflavík
Gisting á farfuglaheimilum
Endurgreiðsla á gistikostnaði á tjaldsvæðum
Orlofshús og -íbúðir
Líkt og undanfarin ár bjóða félögin upp orlofshús og íbúðir. Leigugjald fyrir orlofshús er kr. 20.000 á viku. Almennir skiptidagar eru föstudagar. Vikuleigan í orlofsíbúðum er kr. 17.000 og stakur sólarhringur kostar kr. 3.500.
Í sumar stendur félagsmönnum til boða eftirtalin orlofshús og -íbúðir:
• Orlofsíbúðir Freyjugötu Reykjavík
Stéttarfélögin bjóða félagsmönnum sínum upp á gistingu í 3 orlofsíbúðum við Freyjugötu í Reykjavík. Íbúðirnar eru vel staðsettar, t.d. í göngufæri frá miðbæ Reykjavíkur og Landsspítalanum.
Á 1. hæð er íbúð með tveim svefnherberjum. Svefnherbergi með hjónarúmi og barnaherbergi með koju. Auk þess eru tvær aukadýnur í íbúðinni.
Á 2. hæð er íbúð með eitt svefnherbergi með hjónarúmi. Í stofu er tvíbreiður svefnsófi og tvær aukadýnur.
Á 3. hæð er stúdioíbúð, þannig að eldhús, stofa og svefnaðstaða er í sama rýminu. Í íbúðinni er hjónarúm, einmenningsrúm og tvær aukadýnur.
• Orlofsíbúð Asparfelli Reykjavík
Í Breiðholtinu er boðið upp á íbúð á 1. hæð í fjölbýlishúsi. Í íbúðinni er 1 svefnherbergi með hjónarúmi, tvíbreiður svefnsófi er í stofu og tvær aukadýnur.
Í Asparfellinu eru stutt í þjónustu, t.d. er fjöldi verslana rétt við íbúðina.
• Orlofshús Húsafell- NÝTT
Húsafell hefur lengi verið eitt vinsælasta orlofssvæði landsins. Í sumar bjóða stéttarfélögin félögum sínum upp á nýjan orlofskost í Húsafelli í Borgarfirði. Í húsinu eru tvö svefnherbergi, annað með hjónarúmi og hitt með einu rúmi 1,5 breidd. Einnig er í húsinu svefnloft með dýnum fyrir 5 – 10 einstaklinga. Þess utan eru borðstofa og setustofa, stór verönd umvafin skógi og heitur pottur.
• Orlofshús Stóruskógum
Í orlofsbyggðinni Stóruskógum, sem staðsett er rétt við Munaðarnes, er boðið upp á 53 m2 orlofshús. Í húsinu eru þrjú svefnherbergi, eitt með hjónarúmi og hin tvö með koju. Við húsið er heitur pottir og stór verönd.
Frá Stóruskógum er stutt á flesta áfangastaði á Suð-vesturlandi og Snæfellsnesi.
• Orlofshús Kjarnaskógi
Í Kjarnaskógi við Akureyri er boðið upp á vel búið 53 m2 orlofshús. Í húsinu er þrjú svefnherbergi, eitt með hjónarúmi og tveim aukadýnum og hin tvö með koju. Við húsið er góð verönd og heitur pottur.
• Orlofshús Illugastöðum
Í boði er nýlegt 48 m2 orlofshús í orlofsbyggðinni Illugastöðum í Fnjóskadal. Byggðin er staðsett á milli Húsavíkur og Akureyrar.
Í húsinu er tvö svefnherbergi, annað með hjónarúmi og hitt með tveim kojum. Í stofu er svefnsófi. Við húsið er góð verönd með nýjum heitum potti.
Á Illugastöðum er gott leiksvæði fyrir alla fjölskylduna og sundlaug með heitum pottum.
• Orlofshús Öxarfirði
Í Dranghólaskógi við Lund bjóða félögin upp á orlofshús allan ársins hring. Húsið er vel búið með þrem svefnherberjum, einu með hjónarúmi og hinum með kojum. Í húsinu eru tvær aukadýnur. Í ár verður húsið í leiguskiptum frá 27. maí til 26. ágúst en hægt er að fá húsið leigt utan þess tíma.
• Orlofshús Eiðum- MIKIÐ ENDURBÆTT
Í orlofsbyggðinni Eiðum, sem er 14 km norðan við Egilsstaði, er boðið upp á 54 m2 orlofshús með tveimur svefnherbergjum. Í öðru herberginu er hjónarúm og dýna en hjónarúm og koja í hinu. Húsið stendur við Eiðavatn og fylgir því aðgangur að árabát.
• Orlofshús Djúpavogi- NÝTT
Í sumar bjóða stéttarfélögin upp á nýjan orlofskost á Djúpavogi. Um er að ræða íbúð á efri hæð í gamla Pósthúsinu sem staðsett er í miðju þorpinu. Þaðan er stutt í alla þjónustu en mikill ferðamannastraumur er um Djúpavog yfir sumarið. Í húsinu er 4 svefnherbergi með svefnpláss fyrir 7. Auk þess er góð stofa, eldhús og þvottahús í húsinu.
• Orlofshúsið Mörk Grímsnesi
Orlofshúsið er um 52 m2 að stærð með þremur svefnherberjum. Í einu þeirra er hjónarúm og efri koja en í hinum eru kojur. Við húsið er góð verönd og heitur pottur. Húsið er vel staðsett um 15 km frá Selfossi, vestarlega í Grímsnesinu við Sogið.
• Orlofshúsið Útgarður Grímsnesi
Í boði er nýtt stórt orlofshús, um 100 m2 (svefnloft innifalið). Í húsinu eru tvö svefnherbergi með hjónarúmum og í öðru þeirra er aukarúm. Auk þess er í húsinu 28 m2 svefnloft með tveim rúmum og 4 dýnum.
Við húsið er góð verönd og heitur pottur. Húsið er vel staðsett um 18 km frá Selfossi, vestarlega í Grímsnesinu skammt frá Sogsvirkjunum.
• Orlofshús Ölfusborgum
Í boði er orlofshús í orlofsbyggðinni Ölfusborgum við Hveragerði. Húsið er 55 m2 þrjú svefnherbergi. Í einu þeirra er hjónarúm en í hinum eru kojur. Góð verönd og heitur pottur er við húsið.
• Reykingar og húsdýr
Fyrir tveim árum var ákveðið að banna reykingar í sumarhúsum og íbúðum á vegum félaganna. Þetta var gert til að verða við óskum fjölda félagsmanna sem reykja ekki og kæra sig illa við að vera í tóbaksreyk. Félagsmenn eru hvattir til að virða þetta bann.
Húsdýr eru ekki leyfð í orlofshúsum og íbúðum.
Hótelgisting á Fosshótelum
Félagsmönnum býðst gisting á Fosshótelum sem staðsett eru í Reykjavík, Reykholti, Húsavík, Dalvík, Laugum, við Hornafjörð, Skaftafelli og Hellu. Í boði er tveggja manna uppábúið herbergi með baði og morgunmat. Félagsmenn sjá sjálfir um að bóka gistinguna og kaupa síðan gistiávísun á Skrifstofu stéttarfélaganna.
- Almennt verð fyrir gistinóttina er kr. 6.000 með niðurgreiðslu.
- Frítt er fyrir eitt barn undir 12 ára aldri í herbergi með foreldrum.
- Aukarúm kostar kr. 4.000 með morgunmat.
- Í júní er kr. 5.000 aukagjald fyrir gistingu í Skaftafelli, Barón og Lind.
- Í júlí og ágúst skal greiða með 2 gistimiðum fyrir hverja nótt.
Einnig býðst gisting á Grand Hótel Reykjavík í júlí og ágúst en þá er greitt fyrir hverja nótt með tveimur gistimiðum.
Hótelgisting á Eddu
Félagsmönnum býðst gisting á 13 Edduhótelum sem staðsett eru um allt land. Hótelin eru: ML Laugarvatni, IKI Laugarvatni, Skógar, Nesjaskóli, Neskaupsstaður, Egilsstaðir, Eiðar, Akureyri, Stórutjarnir, Vík, Laugarbakki, Sælingsdalur og Ísafjörður.
Félagsmenn kaupa á Skrifstofu stéttarfélaganna gistiávísun fyrir uppbúið tveggja manna herbergi með handlaug og bóka sér síðan gistingu þar sem þeir kjósa. Heimilt er að hafa með sér börn án sérstaks aukagjalds ef viðkomandi hefur með sér rúmföt fyrir þau. Hótelið leggur til dýnur. Verð fyrir gistinóttina fyrir fjölskylduna er kr. 6.000,-. Athugið að morgunverður er ekki innifalinn og misjafnt framboð er hjá einstökum hótelum eftir tímabilum.
Nánari upplýsingar á www.hoteledda.is
Gisting á Gistihúsi Keflavíkur, Keflavíkurflugvelli
Stéttarfélögin hafa samið við Gistihús Keflavík(gistihús Jónasar Óskars og Lovísu) um afslátt af gistingu fyrir félagsmenn. Auk þess niðurgreiða félögin hverja gistinótt um kr. 2.000,- fyrir hvern fullgildan félagsmann. Gistihús Keflavíkur er góður valkostur fyrir þá sem eru að ferðast til og frá Íslandi en aðeins 6 mínútna akstur er að Flugstöð Leifs Eiríkssonar. Boðið er upp á morgunverð frá klukkan 04:30 alla daga. Akstur til og frá Keflavíkurflugvelli innifalin í verði. Sími: 426 5000 GSM: 899 2570.
Myndir og nánari upplýsingar á www.bbkeflavik.com
Hótel Keflavík
Félagsmönnum býðst ódýr gisting á Hótel Keflavík, sem er góður kostur fyrir þá sem eru að ferðast um Keflavíkurflugvöll.
Félagsmenn kaupa gistiávísun á skrifstofu stéttarfélaganna og bóka gistingu á hótelinu. Í boði er einmennings-, tveggja manna- og fjölskylduherbergi. Félögin niðurgreiða einnig gistinóttina um kr. 2.000 fyrir hvern fullgildan félagsmann.
Morgunverður er veittur árla morguns fyrir gesti hótelsins sem þurfa að fara snemma í flug og er þeim síðan boðinn akstur á flugstöðina og geymsla á bílnum meðan dvalið er erlendis endurgjaldslaust.
Nánari upplýsingar á www.hotelkeflavik.is
Gisting í farfuglaheimilum
Félagsmönnum og fjölskyldum þeirra býðst gistingu á farfuglaheimilum en þau eru 36 og staðsett um allt land.
Þeir sem kjósa að gista á farfuglaheimilum fá aðgang að rúmi, sæng kodda, snyrtingu, baðaðstöðu og gestaeldhúsi. Algengast er að ferðamenn hafi með sér sængurföt eða svefnpoka. Víða er hægt að leigja sængurföt og kaupa morgunverð. Yfirleitt er aukagjald fyrir þá sem vilja sér herbergi.
Gistiávísanir fyrir farfuglaheimili er hægt að fá á Skrifstofu stéttarfélaganna. Allar nánari upplýsingar eru veittar þar eða á heimasiðu farfugla www.hostel.is eða á skrifstofu þeirra í síma 553-8110.
Útilega í boði þíns stéttarfélags
Félagmönnum og fjölskyldum þeirra geta nú sótt um styrk vegna gistingar á tjaldstæðum og við kaup á útilegukortinu. Það gerist þannig að félagsmenn og fjölskyldur þeirra fara með sitt tjald, tjaldvagn, fellihýsi, hjólhýsi eða annan búnað á tjaldsvæði innanland, fá löglegan reikning (númeraður reikningur með kennitölu söluaðila og kaupanda þjónustu), framvísa síðan reikningnum á Skrifstofu stéttarfélaganna og fá endurgreiðslu fyrir hluta upphæðarinnar.
Skilyrði fyrir þessari greiðslu er að félagsmaður sé í a.m.k. 50% starfi, sé fullgildur félagsmaður og hafi greitt félagsgjöld í a.m.k. 3 mánuði.