Sumarferðin verður að haustlitaferð

Vegna óhagstæðra veðurskilyrða og vatnavaxta á Flateyjardal hefur sumarferð stéttarfélaganna sem fara átti laugardaginn17. ágúst, verið slegið á frest. En við látum ekki deigan síga þó norðangarrinn blási aðeins á móti. Nú tökum við stefnuna á haustlita- og berjaferð á dalinn fagra, sem er ekki síður að heimsækja þegar hann hefur klæðst haustskrúðanum. Ferðin verður farin sunnudaginn 15. september.

Lagt verður af stað frá Skrifstofu stéttarfélaganna, Garðarsbraut 26, klukkan 8:30. Reiknað er með að menn nesti sig sjálfir í ferðina, en boðið verður upp á grillmat og drykki í boði stéttarfélaganna síðdegis. Heimkoma til Húsavíkur er áætluð um kvöldmatarleitið. Þátttökugjaldið er kr. 5.000 fyrir félagsmenn og gesti þeirra. Fararstjórn er í höndum Óskar Helgadóttur og henni til aðstoðar verður Jónas Kristjánsson formaður Þingiðnar. Skráning í ferðina er hjá skrifstofu stéttarfélaganna linda@framsyn.is eða 4646600.

Það er víða fallegt í dalnum fagra. Ekki missa af því.

OLYMPUS DIGITAL CAMERA