Flugfélagið Ernir fjölgar ferðum til Húsavíkur- nú flogið á laugardögum

OLYMPUS DIGITAL CAMERA

Flugfélagið Ernir hefur ákveðið að fjölga ferðum til Húsavíkur með því að hefja áætlunarflug á laugardögum í vetur. Markmiðið er að auka þjónustuna við flugfarþega og þá sem flytja vörur með flugfélaginu. Fram að þessu hefur Ernir flogið alla aðra daga vikunnar.  Byrjað verður að fljúga á laugardögum, laugardaginn 14. október og hafa ferðirnar nú þegar verið settar í sölu á ernir.is. Stéttarfélögin fagna þessari ákvörðun flugfélagsins sem hefur unnið vel með heimamönnum er varðar flugsamgöngur milli Húsavíkur og Reykjavíkur. Þrátt fyrir að tvö áætlunarflug séu nánast daglega til Húsavíkur á vegum flugfélagsins hefur félagið brugðist vel við þessum aðstæðum og flogið allt að fimm sinnum til Húsavíkur á dag þar sem mikil eftirspurn hefur verið eftir flugi milli þessara áfangastaða.

 

 

 

 

 

 

 

 

 

Flugfélagið Ernir hefur ákveðið að fjölga enn frekar flugferðum milli Húsavíkur og Reykjavíkur sem eru góðar fréttir.