Alls greiddu 2.455 félagsmenn til Framsýnar- stéttarfélags á árinu 2015 en greiðandi félagar voru 2.378 árið 2014. Greiðandi félagsmönnum fjölgaði milli ára. Af þeim sem greiddu til félagsins voru 1.237 karlar og 1.218 konur sem skiptast þannig, konur eru 49,6% og karlar 50,4%.
Samkvæmt samþykkt stofnfundar félagsins frá 1. maí 2008 er ekki lengur miðað við sérstakt lágmarksgjald svo menn teljist fullgildir félagsmenn heldur teljast þeir félagsmenn sem greiða til félagsins á hverjum tíma og ganga formlega í félagið.
Um síðustu áramót voru gjaldfrjálsir félagsmenn samtals 250, það eru aldraðir og öryrkjar sem ekki eru á vinnumarkaði.
Þá má geta þess að 431 launagreiðendur greiddu til Framsýnar á síðasta ári og fjölgaði þeim um 30 á milli ára. Árið 2014 greiddu 401 launagreiðendur til félagsins.
Félagsmenn þann 31. desember 2015 voru samtals 2.705.