Námsstyrkir hækka til félagsmanna

Fræðslusjóðirnir, Landsmennt, Sveitamennt og Ríkismennt sem Framsýn á aðild að fyrir sína félagsmenn hafa samþykkt að hækka hámark einstaklingsstyrkja sjóðanna til félagsmanna sem hér segir:

Landsmennt:
Hámark einstaklingsstyrkja hækkar úr krónum 60 þúsundum í 70 þúsund frá og með 1. júlí, hækkunin nær til þess náms sem hefst eftir 1. júlí 2015.

Hækkun á geymdum rétti (uppsafnaður þriggja ára réttur) er eftirfarandi:

• 2015 verður hægt að taka út kr. 190.000.- fyrir eitt samfellt nám/námskeið. Ferðakostnaður vegna náms getur að hámarki orðið kr. 70.000.- (nær til náms sem hefst eftir 1. júlí 2015).

• 2016 verður hægt að taka út kr. 200.000.-.

• 2017 verður upphæðin orðin kr. 210.000.-.

• Engin breyting er gerð á upphæð einstaklingsstyrkja vegna meiraprófs sem verður áfram kr. 100.000.-

Sveitamennt og Ríkismennt:
Hámark hækkar úr krónum 60 þúsundum í 75 þúsund frá og með 1. júní – hækkunin nær til þess náms sem hefst eftir 1. júní 2015.

Hækkun á geymdum rétti (uppsafnaður þriggja ára réttur) er eftirfarandi:

• Þriggja ára geymdur réttur verður eins reiknaður og áður, það er þrjú ár x hámarksupphæð/ 3×75.000= kr. 225.000.- Breytingin nær til náms sem hefst eftir 1. júní 2015.

• Engin breyting er gerð á upphæð vegna meiraprófs sem verður áfram kr. 100.000.-

Félagsmönnum Framsýnar er velkomið að koma við á Skrifstofu stéttarfélaganna varðandi frekari upplýsingar um þessar breytingar.