Í morgun hófst 32. þing Alþýðusambands Norðurlands á Illugastöðum. Yfir 100 fulltrúar frá stéttarfélögum á Norðurlandi eru á þinginu, þar af eru um 15 fulltrúar frá stéttarfélögum í Þingeyjarsýslum. Helstu málefni þingsins eru kjaramál, ferðaþjónusta á Norðurlandi, reynsla af eftirliti með vinnustaðaskilríkjum og samfélagsleg ábyrgð stéttarfélaga. Þá hefur Framsýn óskað eftir að umræða verði á þinginu um niðurskurð stjórnvalda til heilbrigðisþjónustu í landinu. Þinginu lýkur svo á morgun, laugardag. Sjá dagskrá þingsins:
Þingboð
Stjórn Alþýðusambands Norðurlands boðar til 32. þings Alþýðusambands Norðurlands. Þingið verður haldið að Illugastöðum í Fnjóskadal 7.-8. október 2011 (föstudag til laugardags).
Dagskrá 32. þings Alþýðusambands Norðurlands
Föstudaginn 7. október 2011
10:30 Setning þingsins
Ávarp forseta ASÍ
Skýrsla stjórnar
Ársreikningar 2009 og 2010
Skipun kjaramála- og atvinnumálanefndar
Skipun kjörbréfanefndar
12:00 Hádegisverður (súpa og brauð)
13:00 Staða/horfur í kjaramálum
Ólafur Darri Andrason, hagfræðingur ASÍ
Fyrirspurnir og umræður
13:30 Ferðaþjónusta á Norðurlandi
Ásbjörn Björgvinsson, Markaðsráði Norðurlands
Fyrirspurnir og umræður
14:15 Reynsla af eftirliti með vinnustaðaskilríkjum og samvinna við RSK
Halldór Grönvold, aðstoðarframkvæmdastjóri ASÍ
Fyrirspurnir og umræður
15:00 Kaffihlé
15:20 Samfélagsábyrgð stéttarfélaga
Stefán Einar Stefánsson, formaður VR og LÍV
Fyrirspurnir og umræður
16:00 Önnur mál
17:00 Nefndarfundir
19:45 Kvöldverður og kvöldvaka, gaman saman
Laugardaginn 8. október 2011
09:00 Morgunverður
10:00 Afgreiðsla tillagna frá nefndum og stjórn
Afgreiðsla tillagna kjaramálanefndar, atvinnumálanefndar og stjórnar um fjárhagsáætlun 2011 – 2012
11:15 Kosningar
11:30 Önnur mál
12:00 Þingslit
Hádegisverður
Nefndir á þinginu:
Gert er ráð fyrir að tvær nefndir starfi á þinginu; kjaramálanefnd og atvinnumálanefnd.
Á þinginu mun stjórn sambandsins flytja tillögu um fjárhagsáætlun fyrir árin 2011-2012 og næstu stjórn, varastjórn og skoðunarmenn reikninga. Jafnframt mun stjórnin sjá um vinnslu og afgreiðslu kjörbréfa.